VIDEO
المكرونه النجرسكو اصلها ايطالى. المكرونه النجرسكو من الاطباق السهله تحضيرها و من الاطباق المميزة اللى يحبها الصغيرين و الكبار. المكرونه النجرسكو تختلف عن المكرونه بالبشاميل فى المكونات و طريقة التحضير. المكرونه النجرسكو من الاكلات المشهورة جدا فى جميع انحاء العالم. النجرسكو من الاطباق الرئيسيه التى تحتوى على قيم و عناصر مفيدة. فى الاصل ان المكرونه النجرسكو تطبخ بالاسباجتى او الفيتوتشيني و لكن مع التطورات بقت بتتعمل باى نوع مكرونه.
طريقه عمل المكرونه النجرسكو:- المقادير:- كيس مكرونه اسباجتى او فيتوتشينى. نص كيلو صدور فراخ. مشروم. بصله. فلفل الوان. زيتون مخلى.معلقه صغيرة السبع بهارات. معلقه صغيرة من القرفه . معلقه صغيره بابريكا. فلفل اسود. ملح. زبدة .زيت. جبنه شيدر مبشورة. جبنه موتزريلا مبشورة. مقادير البشاميل للنجرسكو:- – 5 معالق من الدقيق . – 2 و نصف معلقة سمنة . كيلو لبن . ملح .
فلفل اسود .
جبنه موتزاريلا .
طريقة التحضير:- فى حله على النار نحط فيها مقدار مايه مناسب لسلق المكرونه و لما تغلى نحط رشه ملح و معلقة زيت و بعد كده نحط المكرونه علشان تتسلق. قبل ما المكرونه تتسلق نرفعها من على النار و نصفيها من الحله و نحط عليها شوية مايه و نسيبها تتصفى. نقطع الفراخ و المشروم لشرايح رفيعه. نقطع الفلفل الالوان لشرايح و نفروم البصله. نحط الطاسه على نار متوسطه و نحط فيها معلقة زبدة كبيرة لحد ما تسخن و نضيف عليها الفراخ و المشروم المتقطعين و نقلبهم كويس لحد ما تتشوح. نضيف على الفراخ و المشروم البصل المفروم و الفلفل الالوان و الملح و الفلفل الاسود والبابريكا و القرفه و السبع بهارات و نقلبهم كويس جدا مع بعض. نشيل الخليط من على النار و نضيف عليه الزيتون المخلى و نقلبهم كويس ببعض و نسيبه على جنب. طريقه عمل البشاميل.. فى حله على النار و نحط فيها اللبن و الملح و الفلفل و نسيبه لحد ما يغلى. فى حله تانيه نحط السمنه على النار لحد ما تسخن بعدين نضيف الدقيق و نقلبهم كويس جدا لحد ما يكون الدقيق لونه دهبى و ده بعد 10 دقائق تقريبا. نضيف اللبن على الدقيق و احنا بنقلبهم و يكون واحدة واحدة علشان البشاميل ميكتلش. نفضل نقلب الخليط كويس بمضرب يدوى لحد ما يبقى قوامه مظبوط لا يكون خفيف ولا يكون تقيل. نضيف الجبنة الموتزاريلا علي البشاميل و نقلبه كويس جدا. طريقة تحضير المكرونه النجرسكو:- نجيب حله مناسبه و نحط فيها المكرونه و عليها خليط الفراخ و نص مقدار البشاميل و نقلبهم كويس جدا ببعض. فى صنيه بايركس( او اى نوع) هنحط الخليط اللى قلبنا على بعض و نوزعه كويس فى الصنيه. نحط علي وش الصنيه الباقى من البشاميل لحد ما تغطى وش الصنيه و نحط فوقيهم الجبنه الشيدر و الجبنة الموتزريلا المبشورة. نشغل الفرن على درجه حرارة متوسطه و ندخل الصنيه فى الفرن و بعد 15 دقيقة تقريبا نطفى النار و نشغل الشوايه لحد ما وش المكرونه يحمر. نخرج الصنيه من الفرن و تقدم النجرسكو و هى ساخنه.
تحتوى المكرونه النجرسكو للقطعه الواحده على 498 سعرا حراريا تقريبا ؛و هى من الاكلات ذات السعرات الحراريه العاليه. تحتوى النجرسكو على قيم و عناصر غذائيه كثيرة و مفيدة و منهم:- تحتوى على 23.2 جم من الدهون. تحتوى على 10.1 جم من الدهون المشبعه. تحتوى على 35.5 جم من البروتين . تحتوى على 39.9 جم من الكربوهيدرات. تحتوى على 4.7 جم من الالياف الغذائيه. تحتوى على 436 مجم من البوتاسوم . تحتوى على 82 مجم من الكولستيرول. تحتوى على 555 مجم من الكالسيوم. تحتوى على 1126 مجم من الصوديوم.
و لهذا تعتبر النجرسكو من الاكلات الغذائيه المكتمله لانها تحتوى على كل هذه العناصر و القيم؛ و لكن يجب عدم الافراط فى تناولها لانها تحتوى على سعرات حراريه عاليه.
Back to top button
