- مريم رجب
- 0 Comments
- 163 Views
شوربة البروكلى في الدايت مش بس علشان تخس بيها لكن كمان هى صحية و مفيدة للجسم و بتساعدك تحافظ على وزن صحى و شوربة البروكلى بتبقى طبق خفيف و لذيذ و سهل تحضيره و بتساعدك كمان بانك تحس بالشبع معظم الوقت
- طريقة عمل شوربة البروكلى:-
- المقادير:-
- بروكلى طازة متقطع.
- – 3 كوبايات لبن خالى الدسم.
- – 2 جزرة كبيرة مبشورة.
- عودين كرفس مفرومين.
- بصله متوسطه مفرومة.
- – 3 معالق كبيرة دقيق.
- معلقة كبيرة زبدة.
- معلقة ممسوحه ملح.
- نص معلقة زعتر مجفف.
- ربع معلقة فلفل اسود.
- طريقة التحضير:-
- فى حله مناسبه هنحط فيها معلقة الزبدة و نضيف عليها البصله المفرومة و الكرفس المفروم و الجزر المبشور و هنقلبهم مع بعض شوية لمدة 3 قايق.
- و بعد كده نحط قطع البروكلى و نقلبه برضو مع باقى المكونات و نسيبهم على النار 3 دقايق كمان لحد ما يبدء يدبل.
- و لما البروكلى يدبل نضيف كوبايتين لبن و نضيف البهارات بقى الملح و الفلفل الاسود و الزعتر و بعد كده نسيبهم على النار لحد ما يغلى و الخضار يستوى كويس.
- و فى كوباية اللبن اللى فاضله ندوب فيها 3 معالق الدقيق و بعد كده نحطهم فى الحلة و نقلبهم مع باقى المكونات و بسيب الشوربه على النار دقيقتين لحد ما تغلى و يبقى قوامها تقيل شوية.
- نشيل الشوربه من على النار و نقدمها فى اطباق مناسبه و نقدمها و هى سخنه.
- و كده نكون قدمنا طريقة عمل شوربة البروكلى باسهل و اسرع طريقه.
- و يحتوى طبق من شوربة البروكلى و الجزر على 165 سعر حرارى.
- و شوربة البروكلى و الجزر تحتوى على قيم و عناصر غذائية مهمة و مفيدة للجسم و منها:-
- تحتوى على 3.2 جم من الدهون.
- تحتوى على 1.8 جم من الدهون المشبعة.
- تحتوى على 23.4 جم من الكربوهيدرات.
- تحتوى على 3.7 جم من الالياف الغذائية.
- تحتوى على 13.1 جم من السكر.
- تحتوى على 9.3 جم من البروتين.
- تحتوى على 11 مجم من الكولسترول.
- تحتوى على 617 مجم من الصوديوم.
- تحتوى على 3 ميكرو جرام من فيتامين د.
