- مريم رجب
- 0 Comments
- 161 Views
- الراتاتوى طبق اصله المطبخ الفرنسي.
- الرتاتوى من الاطباق االجانبيه و لكن فى معظم الاوقات تقدم كوجبه رئيسيه مع الرز او الخبز.
- الراتاتوى او الخلطبيطه بالصلصه من الاطباق المفيدة و تتميز بطعمها المختلف.
- طريقه عمل الراتاتوى (الخلطبيطه بالصلصه)……
- المقادير:-
- صلصلة الراتاتوى:-
- – 2 من الفلفل الالوان.
- – 1 بصله كبيرة.
- – 2 من الطماطم كبيرة.
- – 2 فص توم.
- معلقه كبيرة من صلصة الطماطم.
- معلقه صغيرة ملح.
- معلقه صغيرة فلفل اسود.
- معلقه صغيرة من الزعتر.
- معلقه صغيرة من الريحان.
- مرقه خضار.
- الخضار:-
- كوسه.
- باذنجان.
- بطاطس.
- جزر.
- طماطم.
- نص كوبايه زيت زيتون.
- – 2 فص توم.
- زعتر.
- رزمارى.
- جبنه بارميزان (على حسب الرغبه)
- طريقه التحضير:-
- فى بوله غويطه هنحط نص كوبايه من الزيت الزيتون و عليهم فصين توم و زعتر و رزمالرى و نقلبهم ببعض و نسيبهم على جنب.
- نغسل البازنجان و الكوسه و البطاطس و الطماطم كويس و نقطعهم شرايح رفيعه جدا؛ لو فى قطاعه شيبسى ممكن نقطع بيها الخضار ما عدا الطماطم لو مش موجودة يبقى بالسكينه عادى بس اهم حاجه تبقى شرايح رفيعه.
- نحط الباذنجان فى مصفه و نرش عليه رشه ملح صغيرة.
- نشوى الفلفل الالون فى الفرن و بعد كده نطلعه و نقشره و نقطعه قطع صغيرة.
- نقطع بصله كبيرة قطع.
- نغسل الطماطم كويس و نضربها فى الكبه او فى الخلاط الكهربائى و و نصفيها كويس.
- فى حله على نار متوسطه نحط فيها زيت زيتون لحد ما يخن و نضيف عليه الفلفل الالوان المشوى المتقطع و البصل و نقلبهم لحد ما البصل يبدأ انه يدبل.
- نضيف عليهم فصين من التوم و نقلبهم ببعض لحد ما التوم يتشوح و نضيف عليهم عصير الطماطم و معلقه من صلصة الطماطم.
- لو عندنا هند بلندر نوطى النار خالص و نبدأ نضربه بالهاند بلندر لحد ما يبقى خليط متجانس ؛ لو مش متاحه الهند بلندر هنشيله من على النار و نسيبه يبرد شويه و نضربه فى الخلاط الكهربائى او فى الكبه.
- نضيف عليهم الملح و الفلفل الاسود و الزعتر و الريحان ( يفضل انهم يكونو فريش لو مش متاح الفريش يبقى المجفف) و نضيف عليهم مرقه الخضار (لو متاحه).
- نقلب المكونات دى ببعض و نسيبها تغلى تقريبا 5 ل 7 دقايق و نطفى النار عليها.
- تحضير صنيه الراتاتوى (الخلطبيطه بالصلصه)….
- نجيب صنيه مدورة (اى صنيه متاحه ) و نضيف فيها الصلصه اللى عملنها و نفردها كويس.
- نرص الخضار المتقطع فوق الصلصه بشكل دائرى .
- اساس الراتاتوى هو الباذنجان و الكوسه.
- نصب فوقيهم خليط الزيت الزيتون بالاعشاب بالتساوى.
- نقفل الصنيه بورق الالمونيا كويس.
- نشغل الفرن على درجه حرارة متوسكه و ندخل الصنيه فيها لمدة 30 دقيقه تقريبا ؛ بعد كده نشيل ورق الالمونيا من على الصنيه و نسيبها فى الفن 15 دقيقه كمان.
- نطلع الصنيه و نرش عليها جبنه بارميزان او موتزريلا و ندخلها الفرن و نشغل الشوايه لحد 15 دقيقه. (الخطوه دى اختيارى)
- و كده تكون الرتاتوى جاهزة عندنا و نقدمها كوجبه رئيسيه و نقدم معاها رز و ممكن نقدمها مع الفراخ المشويه.
- يحتوى الراتاتوى على سعرات حراريه بسيطه فانه يحتوى على 275 سعرا حراريا تقريبا لكل 100 جرام منها.
- يحتوى الراتاتوى (الخلطبيطه بالصلصه) على عناصر و قيم غذائيه مهمه و منها:-
- يحتوى على 19.7 جم من الدهون.
- يحتوى على 2.8 جم من الدهون المشبعه.
- يحتوى على 5.6 جم من البروتين.
- يحتوى على 14.2 جم من السكريات.
- يحتوى على 9.5 جم من الالياف الغذائيه.
- يحتوى على 25.6 جم من الكربوهيدرات.
- يحتوى على 0 مجم من الكولسترول.
- يحتوى على 2 مجم من الحديد.
- يحتوى على 476 جم من الصوديوم.
- يحتوى على 1245 مجم من البوتاسيوم.
- يحتوى على 74 مجم من الكالسيوم.
