- المندى من الاكلات العربيه الشهيرة و التقليديه.
- طريقه عمل المندى الاصلى يأنه يتشوى فى فرن تحت الارض.
- و لان طريقه عمل المندى التقليدى صعب لانه يحتاج انواع معينه من اللحمه وبيطبخ بشكل معين ,ابتكر الناس طرق كتتير لتقديم المندى.
- يمكن استخدام الفراخ فى المندى و انواع لحوم مختلفه; يمكن اشهر طريقه لعمل المندى هى شاورما مندى.
- من اشهر الدول التى تقدم المندى هى دول الخليج و فلسطين و الادردن و مصر و سوريا.
- طريقة عمل المندى باللحم الضانى:-
- المقادير:-
- لحمة موزة بعضمها.
- مستكه.
- حبهان.
- بصله.
- – 1 طماطم.
- ورق لورا.
- ملح.
- فلفل اسود.
- طريقة التحضير:-
- فى حله على النار (يستحسن تكون حلة ضغط لو موجودة عندنا) هنحط مايه بسيطه و نسيبها لحد ما تسخن.
- نحط فى الحله الطماطم و البصل مقسومين على اربعه و نحط المستكه و الحبهان و ورق اللورا.
- نحط عليهم اللحمه و نضيف الفلفل الاسود و رشة سكر.
- المايه متكونش كتير علشان الشوربه متبقاش خفيفه.
- هنغطى حله الضغط او الحله العاديه لحد ما اللحمه تستوى ,نفتح عليها الحله و نضيف الملح و نقلبه و نغطيها تانى لحد ما تغلى.
- بعد ما تستوى اخرجها من الشوربه احطها فى صنيه و ارش عليها فلفل اسود و ملح و الكركم و زعتر و رشه جوزة الطيب.
- اجيب شويه مايه و ادوب فيهم عفران بودرة و اوزعها على اللحمه بالتوابل.
- ادهن اللحمه كويس جدا لحد ما تبقى كلها مدهونه بالتوابل كويس جدا.
- نسيب اللحمه المتبله لحد ما نعمل الرز.
- مقادير الرز:-
- كيلو رز بسمتى.
- بصلايه كبيره مفرومه.
- معلقه من التوم المفروم.
- ملح.
- فلفل اسود.
- ال 7 بهارات.
- عيدان قرفه.
- عيدان قرنفل.
- حبهان.
- ورق لوره.
- لمون اسود مجفف.
- طريقة التحضير:-
- نغسل الرز البسمتى كويس و ننقعه فى المايه لمدة نص ساعة و بعدين نصفيه من المايه كويس جدا.
- فى حله على النار نحط زيت لحد ما يسخن.
- ننزل عليها بالبصله المفرومه و نحط عليها القرنفل و الحبهان و القرفه و ورق اللوره و اللمونه المجففه و نشوحها كويس جدا لحد ما تدبل.
- احط عليهم التوم و اقلبهم كويس.
- نحط عليهم الرز البسمتى ونقلبهم كويس ببعض و نضيف عليهم الفلفل الاسود و البهارات السابعه و الملح( لكن الملح يبقى قليل لان الشربه فيها ملح).
- نقلب الرز و البهارات كويس على النار لحد ما سخن كويس.
- نرجع للصنيه اللى متبلين فيها اللحمه و نطلعها و نحطها فى طبق على جنب.
- فى نفس الصنيه اللى كنا متبلين فيها اللحمه نحط الرز البسمتى و نقلبه كويس فى الباقى من التتبيله.
- اصفى شوربه اللحمه على الرز لحد ما الشربه تغطى الرز البسمتى.
- على الصنيه بتاعة الرز احط شبكه (لو مش موجودة اغطى الرز بورق المونيا و اعمل فيه اخرام كتير) و اوزع عليها اللحمه المتبله.
- اغطى الصنيه كلها بورق الزبدة و عليهم ورق الالمونيا و اقفلهم كويس جدا من كل الاطراف.
- نشغل الفرن على درجه حرارة عاليه و نحط الصنيه فى الرف الوسطانى لحد ما الرز يغلى و بعد كده نوطى النارجدا و نسيبه لمدة 45 دقيقه تقريبا.
- نخرجه من الفرن و نقدمه قى طبق تقديم مناسب.
- و بكده نكون قدمنا طريقة المندى باللحمه الضانى.
- يحتوى وجبه المندى للفرد على 600 سعرا حراريا تقريباو هذا على حسب وزن الوجبه.
- المندى فيه قيم غذائيه مفيدة و هى:-
- تحتوى على 21.5 جم من الدهون.
- تحتوى على 2.3 جم من الالياف الغذائية.
- تحتوى على 77.1 جم من البروتين.
- تحتوى على 7.1 جم من الدهون المشبعه.
- تحتوى على 974 مجم من البوتاسيوم.
- تحتوى على 225 مجم من الكولسترول.
- تحتوى على 11 مجم من الحديد.
- تحتوى على 589 مجم من الصوديوم.
- تحتوى على 76.1 جم من الكربوهيدرات.
