- مريم رجب
- 0 Comments
- 88 Views
- الجلاش من الوجبات المشهورة جدا فى مصر و فلسطين و بلاد الشام.
- الجلاش من الاكلات اللى بتتعمل حلو و حادق.
- الجلاش من الاكلات اللذيذة جدا و الشهيه اللى بيحبها الجميع.
- طريقه تحضير الجلاش ……
- المقادير :-
- الجلاش الحلو :-
- مقادير الكاسترد :-
- باكت كاسترد.
- فانيليا.
- نص كيلو لبن.
- – 2 معالق سكر كبيرة.
- مقادير العسل (الشربات) :-
- – 2 كوبايه من السكر.
- كوبايه مايه.
- معلقتين من العسل النحل.
- نص لمونه.
- نص معلقه صغيرة من الفانيليا.
- نص كيلو جلاش.
- نص كوبايه من السمنه.
- طريقه تحضير الجلاش الحلو :-
- تحضير العسل( الشربات) :-
- نحط فى حله السكر و عليه المايه و العسل النحل على النار و منقلبهوش لحد ما يغلى.
- بعد كده نقلبها كويس و نعصر عليها نص الليمونه و نقلبها كويس و نسيبها تغلى على نار هاديه لمدة 10 دقايق.
- نشيلها من على النار و نسيبها تبرد خالص.
- تحضير الكاسترد :-
- فى حله على النار نحط اللبن و نضيف السكر.
- فى بوله على جنب هحط فيها شويه لبن قليلين و نضيف عليهم بودرة الكاستر و نقلبهم كويس ببعض لحد ما البودرة تدوب.
- لما اللبن يبدأ يغلى ننزل عليه خليط الكاستر و نقلبهم كويس جدا ببعض و نفضل نقلبه لحد ما يبقى قوام الكاستر تقيل.
- نشيله من على النار و نسيبه لحد ما يبدأ يبرد.
- تحضير الجلاش :-
- نجيب صنيه مستطيله و نحط فيها معلقه سمنه و ندخلها الفرن لحد ما تسخن.
- نحط فى الطنيه نص الكميه من الجلاش الموجود و ندهن بين كلو ورقتين سمنه لحد ما نوصل لنص الكميه.
- نحط الكاسترد فى الصنيه و نوزعه كويس.
- نحط الكميه الباقيه من الجلاش و بين كل ورقتين ندهن سمنه كويس.
- نقطع الجلاش بالشكل اللى نحبه.
- ندهن وش الجلاش بالسمنه.
- نشغل الفرن على درجه حرارة 180 و ندخل صنيه الجلاش فيها.
- بعد ما يستوى و وشه يحمر نخرجه من الفرن و نسيبه 5 دقايق و بعد كده نضيف عليه العسل (الشربات).
- نقدمه و نرش عليه فسدق مطحون او اى نوع مكسرات موجود.
و كده يكون الجلاش الحلو جاهز عندنا ……
- ممكن نعمل الجلاش الحلو محشى مكسرات او ممكن يكون سادة.
- الجلاش الحادق :-
- هنعمل رول جلاش باللحمه المفرومه …..
- المقادير :-
- مقادير اللحمه المعصجه:-
- لحمة مفرومة.
- – 1 بصله.
- معلقه من الزعتر.
- معلقه من الرزمارى.
- نصف معلقه من القرفة.
- – بهارات لحمه.
- نصف ليمونه.
- – 3 من فصوص الثوم.
- – 1 من ورق لورا.
- ملح.
- فلفل اسود.
- معلقتين من الزيت.
- نص كيلو جلاش.
- · 1 من البيض.
- نص معلقه من الفلفل الاسود.
- نص كوبايه سمنه.
- ربع كوبايه من اللبن.
- طريقه التحضير :-
- تحضير اللحمه :-
- نقطع البصل و الثوم قطع صغيرة.
- نخلط كل البهارات على بعض فى بوله صغيره.
- فى حله نحط فيها معلقتين من الزيت و نضيف البصل و نقلبه كويس لحد ما يدبل و نضيف الثوم و نقلبهم كويس.
- نضيف اللحمة المفرومه على البصل و التوم و نحط خليط البهارات على اللحمه و نقلبهم كويس.
- نسيب اللحم المفرومة تستوى و قبل ما تقرب انها تستوى نحط عليها عصير نصف الليمونه و نسيبها لحد ما تستوى كويس.
- تحضير صنيه الجلاش :-
- نقطع كميه الجلاش بالعرض ل 3 قطع.
- ناخد كل راقه من الجلاش ندهنها بسمنه و نحط فيها معلقه كبيرة من اللحمه المعصجه و نلفها.
- نكرر الخطوة دى فى كل كميه الجلاش اللى عندنا.
- فى صنيه مدهونه بالسمنه نرص فيها رول الجلاش اللى عملناه.
- فى بوله صغيرة نحط فيها البيضه و اللبن و الفلفل الاسود و نقلبهم ببعض كويس.
- نرش خليط البيض على وش الصنيه فوق الجلاش.
- نشغل الفرن على درجه حرارة 180 و ندخل الصنيه فى الفرن لحد ما تستوى و نشغل الشوايه لحد ما وش الجلاش يحمر.
- و كده يكون الجلاش رول جاهز عندنا ؛ نقدمه و هو سخن فى اطباق تقديم مناسبه.
- ممكن نعمل حشوات كتير مختلفه للجلاش بالجبن او بالفراخ .
- تحتوى قطعة واحدة صغيرة من الجلاش الحلو بالكاسترد على 170 سعرا حراريا تقريبا.
- تحتوى قطعه واحده من الجلاش باللحمه على 140 سعرا حراريا تقريبا.
- يحتوى الجلاش على عناصر و قيم غذائيه كثيرة و منها :-
- يحتوى على 8.5 جم من الدهون.
- يحتوى على 5.2 جم من الدهون المشبعه.
- يحتوى على 46.5 جم من الكربوهيدرات.
- يحتوى على 1.1 جم من السكريات.
- يحتوى على 1 جم من الالياف الغذائيه.
- يحتوى على 4.5 جم من البروتين.
- يحتوى على 2 مجم من الحديد.
- يحتوى على 22 مجم من الكولسترول.
- يحتوى على 180 مجم من البوتاسيوم.
- يحتوى على 161 مجم من الصوديوم.
- يحتوى على 89 مجم من الكالسيوم.
