طريقة عمل ماك اند تشيز
مطبخ فيولا
Posted on1 year ago
مريم رجب
0 Comments
216 Views
VIDEO
ماك اند تشير طبق اصله ايطالى و لكنه اشتهر فى امريكا.
هى من الاطباق الشهيرة فى المطابخ الامريكيه.
انتشرت الماك اند تشيز فى جميع دول العالم.
هى من الاطباق السهل تحضيرها و التى تعجب مذاق الجميع.
ظهر طبق ماك اند تشيز ف كتاب عن الطبخ الايطالى فى القرن الرابع عشر.
انتقل طبق ماك اند تشيز الى امريكا فى القرن الثامن عشر.
اصبح طبق ماك اند تشير طبق عالمى فى الولايات المتحده و هذه فى القرن التاسع عشر.
تطبخ ماك اند تشيز عادتا فى الفرن و لكن اوقات تطبخ على النار عادى.
مخترع الماك اند تشيز جيمس هيمنجز.
نوع المكرونه بيختلف اوقات على حسب الطريقه.
الان يوجد انواع ماك اند تشيز تباع جاهزة و سهلة التحضير.
طريقة عمل ماك اند تشيز:-
المقادير:-
نص كيلو مكرونه .
نص كيلو من الجبن (شيدرالحمرا –موتزريلا)
– جبنه بارميزان( اذ كانت متاحه).
كوبايه كريمه او كوبايه قشطه.
كوبايتين لبن .
– 4 معالق كبيره من الزبدة.
– 2 معلقه من الزيت .
نص كوبايه دقيق.
معلقه صغيرة من التوم البودرة.
نص معلقه صغيرة بابريكا.
معلقه صغيرة من البصل البودرة.
نص معلقة من الفلفل الاسود.
رشه كركم صغيره جدا.
بقدونس للتزين.
طريقة التحضير:-
فى حله على النار نحط فيها مايه لحد ما تغلى نضيف عليها رشه من الملح و معلقه زيت و بعدين نضيف المكرونه لحد ما تستوى و نطفى عليها النار قبل تكله سواها (يعنى تفضل على النار لمدة من 5 ل 7 دقايق).
نصفى المكرونه و نسيبها على جنب و منغسلهاش بمايه.
نبشر الجبنه الشيدر و الموتزريلا.
فى حله على النار نحط الزبدة و الزيت و بعد كده نحط الدقيق و نقلبه كويس و نسيبه يستوى 3 دقايق كده.
نحط اللبن على الخليط و نفضل نقلبه كويس لحد ما يغلى.
نضيف عليه الكريمه و نقلب الخليط كويس لحد ما يبقى متماسك.
نحط البهارات اللى عندناو نقلبهم كويس بالخليط (دى خطوه اختياريه يمكن الاستغناء عنها).
بعد ما الخليط يبتدى يغلى نحط عليه الجبنه الشيدر و الموتزريلا و نقلبهم كويس لحد ما الجبنه تسيح.
نضيف رشه الكركم علشان تاخد اللون المظبوط بتاع ماك اند تشيز( خطوه اختياريه).
نحط المكرونه على الخليط و نقلبه كويس جدا على نار هاديه لحد ما المكرونه تتشرب صوص الجبنه.
لو الخليط تقيل ممكن نزود شويه لبن
نقدمها فى اطباق مناسبه و نزينها بالبقدونس و الجبنه البارميزان المبشورة.
ممكن نحط المكرونه فى صنيه و ندخلها الفرن لمدة 10 دقايق تحت الشوايه.
هكذا نكون قدمنا طريقه عمل مكرونه ماك اند تشيز.
تحتوى وجبة مكرونه ماك اند تشيز على 650 سعرا حراريا تقريبا.
مكرونه ماك اند تشيز من الوجبات التى تحتوى على سعرات حراريه عاليه جدا.
يوجد فيها قيم غذائيه كثيرة و هى :-
تحتوى على 30 جرام من البروتين .
تحتوى على 30 جرام من الدهون.
تحتوى على 22 جرام من الدهون المشبعه.
تحتوى على 47 جرام من الكربوهيدرات.
يحتوى على 2 جرام من الالياف الغذائيه.
يحتوى على 5 جم من السكريات .
يحتوى على 154 مجم من الكولسترول.
يحتوى على 2 مجم من الحديد.
يحتوى على 783 مجم من الكالسيوم.
يحتوى على 760 مجم من الصوديوم.
– يحتوى على 306 مجم من البوتاسيوم.