- مريم رجب
- 0 Comments
- 72 Views
- البيض الاسكتلندى من المطبخ البريطانى.
- من الوجبات الخفيفه المنتشرة التى تباع فى محلات اسكتلندا و انجلترا.
- فى شبيه للبيض اسكتلندى فى مصر و هو نوع من انواع الكفته و يسمى طوربيد اللحم؛ و لكن يختلف فى المقادير و الطريقه.
- اول ظهور للبيض الاسكتلندى عام 1851 فى لندن.
- طريقه عمل البيض الاسكتلندى….
- المقادير:-
- نص لحمه مفرومه دهون قليله.
- – 6 بيض بلدى.
- – 1 بصله مفرومه و متصفيه.
- – 2 معلقه كبيرة بقسماط.
- رشه سكر.
- معلقه صغيره من السبع بهارات.
- ملح.
- فلفل اسود.
- زيت للقلى.
- مقادير التغطيه:-
- كوبايه دقيق.
- – 2 بيضه.
- – 2 معلقه كبيره لبن.
- كوبايه بقسماط.
- نص كوبايه نشا.
- نص معلقه صغيرة توم بودرة.
- نص معلقه صغيرة بصل بودرة.
- رشة ملح.
- رشه فلفل اسود.
- طريقه التحضير:-
- نسلق البيض و نسيبه يبرد.
- فى الكبه او الخلاط الكهربائى نحط اللحمه المفرومه و نضيف عليها البصله المفرومه و عليهم معلقتين من البقسماط و عليهم رشه صغيرة من السكر و معلقه صغيرة من البهارات السابعه و الملح و الفلفل الاسود؛ نفرمهم كويس جدا لحد ما كل المكونات تتجانس مع بعضهاو متماسك.
- نقشر البيض المسلوق.
- فى بوله غويطه احط فيها الخليط ده و ناخد جزء منه و نفرده على ايدينا و بعدين نحط جواه البيضه المسلوقه و نلف عليها الكفته بحيث تكون البيضه مخطياها طبقه الكفته و نفضل نضغط عليها براحه و احنا بنقفلها علشان نتاكد ان الكفته اتقفلت كويس.
- نكرر الخطوه دى فى باقى المكونات.
- نجهز عندنا التغطيه بتاعه الكفته…
- فى بوله نحط نص كوبايه من الدقيق؛ فى بوله تانيه نحط فيها البيض و اللبن و رشه فلفل اسود و نقلبهم كويس اوى ببعض ؛ و فى بوله اخيره نحط فيها كوبايه البقسماط و نص الكوبايه الباقيه من الدقيق و النشا و التوم البودرو و البصل البودرة و الملح و الفلفل الاسود و نقلبهم كويس ببعض.
- ناخد كورات البيض الاسكتلندى و نغطيها اول طبقه من الدقيق و بعدين نحطها فى البيض و اللبن و اخر حاجه نحطها فى البقسماط و نضغط عليها براحه علشان نبقى ثبتنا طبقات التغطيه عليها؛ نكرر الخطوه دى فى باقى البيض الاسكتلندى.
- فى طاسه غويطه على نار متوسطه نحط فيها زيت غزير للقلى لحد ما يسخن؛نحط البيض الاسكتلندى فى الزيت و نسيبه لحد ما يتحمر كويس من كل الجوانب.
- نطلعه من الزيت و نحطه فى طبق فى مناديل مطبخ علشان نتخلص من الزيت الزيادة.
- نقطعه من النص و نقدمه سخن.
- يقدم البيض الاسكتلندى مع المكرونه و البطاطس المقليه.
- البيض الاسكتلندى من الاكلات التى تحتوى على سعرات حراريه عاليه فان واحدة من البيض الاسكتلندى تحتوى على 430 سعرا حراريا تقريبا.
- يحتوى البيض الاسكتلندى على عناصر و قيم غذائيه و منها:-
- يحتوى على 36 جم من الدهون.
- يحتوى على 15 جم من الدهون المشبعه.
- يحتوى على 30 جم من البروتين.
- يحتوى على 11 ىجم من الكربوهيدرات.
- يحتوى على 310 مجم من الكولسترول.
- يحتوى على 80 مجم من الصوديوم.
- يحتوى على 2.1 حم من الالياف الغذائيه.
- يحتوى على 1.3 جم من السكريات.
- يحتوى على 60 مجم من الكالسيوم.
- يحتوى ايضا البيض الاسكتلندى على معادن و فيتامينات مهمه للجسم؛و لكن يجب عدم الافراط فى تناوله لانه يحتوى على سعرات حراريه عاليا.
