- مريم رجب
- 0 Comments
- 138 Views
مين فينا مش بيحب المكرونة بالبشاميل من أحلى و اشهى الاطباق خصوصا في العزومات الكبار و الصغيرين بيحبوها
لكن دايما المكرونة البشاميل مرتبطة بزيادة الوزن و مش بيكون مسموح بيها في الريجيم و للناس الي حابة تحافظ على وزنها
لكن النهارده بوصفه سهلة و سريعة و احلى الذ هنعمل احلى مكرونة بشاميل و تنفع جدا في الدايت كل الي هنعمله هنستبدل المكونات الي في سعرات عاليه و غير صحية بمكونات تانية صحية
اول حاجة
مقادير الحشو:-
– معلقة زيت زيتون.
– بصلة متوسطة.
– فصين توم.
– نص كوباية مشروم شرايح.
– نص لحمة مفرومه قليلة الدسم.
– جزرة مبشورة.
– فلفل الوان متقطع قطع.
– رشة ملح.
– رشة فلفل اسود.
– رشة قرفة.
– رشة جنزبيل.
– عودين بقدونس.
– رشة زعتر.
– نص ليمونه.
تاني حاجة معانا مقادير صوص البشاميل:-
– كوبايتنين و نص لبن خالى الدسم.
– معلقتين دقيق بنى.
– معلقة دقيق ابيض.
– معلقة كبيرة حبن كريمى لايت.
– رشة فلفل اسود.
– رشة زعتر.
و اخر حاجة تحضير المكرونة:-
– كوبايتين مكرونة اقلام قمح كامل.
– نص كوباية جبنة موتزريلا لايت.
– ريحان مجفف او زعتر.
طريقة التحضير:-
– فى حلة على النار نحط فيها ماية و رشة صغيرة ملح و اول ما تغلى نضيف المكرونه و نسلقها نص سلقة و نصفيها و نسيبها على جنب لحد ما نحضر باقى المكونات بتاعتنا.
– فى طاسه على النار هنحط معلقة زيت زيتون و نجيب بصلة متوسطه متقطعه قطع صغير و نقلبهم مع بعض لحد ما البصل يبدأ يتشوح.
– و بعد كده نقلب معاهم فصين من التوم المهروس و نفضل نقلب لحد ما ريحة التوم تكون ظاهرة.
– نضيف عليهم المشروم المتقطع شرايح و نشوحه لحد ما يدبل تماما.
– نحط عليهم اللحم و لازم و احنا بنجيب اللحمة نختارها تكون نسبة الدهون فيها قليلة جداً
ونبدء نقلبها مع الخليط لحد ما لونها يتغير.
– نضيف عليها جزرة مبشورة و فلفل الوان متقطع و نقلب .
– نضيف شوية صغيرين من الملح و الفلفل الاسود و ال قرفة و الجنزبيل و الزعتر و البقدونس المتقطع
و نقلب المكونات كلها وفي الاخر و نعصر نص ليمونه و نسيبها لحد ما تستوى.
– و بعد كده نحضر البشاميل ؛
فى حلة على النار نحط فيها كوبايتين و نص من ا لبن خالى الدسم و نضيف عليهم معلقتين من الدقيق البنى و معلقة الدقيق الابيض و نقلب اللبن بالدقيق كويس لحد ما الدقيق يدوب و اللبن يتقل.
– نحط عليه معلقة كبيرة من الجبنة الكريمى اللايت و نقلبها كويس لحد ما تدوب.
-وبعدين نحط رشة فلفل و رشة زعتر و نفضل نقلب البشاميل لمدة 5 دقايق.
بعد كدة نشغل الفرن على درجة حرارة 200 و نسيبه يسخن. اوي
– نحضر صنية المكرونة بالبشاميل:-
– هنحتاج صنية بايركس لو مش متاحة عندنانستخدم صينية عاديه عادي جداً
هنحط معلقتين من صوص البشاميل و بعدين نص كمية المكرونة و نحط عليها خليط اللحمه اللى عملناه و نضيف الطبقة الاخيرة من المكرونة و كمية البشاميل اللى عندنا و نوزعها كويس و عليها الجبنة الموتزريلا اللايت و رشة من الريحان .
– و ندخل الصنية الفرن و نسيبها 25 دقيقة لحد ما تستوى و وشها يحمر.
– نطلعها من الفرن و نقطعها و نقدمها و هى سخنة
ممكن نعمل معاه شوربة البروكلى او نقدمها مع أي نوع شوربة صحية احنا بنفضلها
و كده نكون قدمنا المكرونة البشاميل بمكونات صحية. و بالف صحة و هنا
ولمعلوماتكوا
القطعة متوسطه الحجم من المكرونة البشاميل فيها تقريبا 200 سعر حرارى تقريبا.
ودي كل العناصر الغذائيه في المكرونة بالبشاميل
– تحتوى على 9 جم من الدهون.
– تحتوى على 3.7 جم من الدهون المشبعة. تحتوى على 47 جم من الكربوهيدرات..
