- مريم رجب
- 0 Comments
- 146 Views
الوجبة دى من الذ و اسهل الوجبات و خفيفة جدا و زيادة على كده هى وجبة غذائية مكتملة و صحية و طبعا تنفع مع الدايت لان سعراتها الحرارية قليلة.
و صوص المارينارا من اشهر انواع الصلصات على مستوى العالم.
- المقادير:-
- مقادير صلصة المارينارا:-
- كوبايتين صلصة طماطم.
- بصلة.
- فصين توم.
- – 3 معالق كبيرة زيت زيتون.
- معلقة كبيرة صلصة طماطم جاهزة.
- ربع معلقة من الزعتر.
- ربع معبقة ريحان.
- ربع معلقة سكر.
- ربع معلقة بابريكا.
- ربع معلقة ملح.
- ربع معلقة فلفل اسود.
- مقادير كرات اللحمة:-
- نص كيلو لحمة مفرومه خالية من الدهون.
- بصلة.
- رشة ملح.
- رشة فلفل اسود.
- ربع معلقة جوزة الطيب.
- ربع حزمة بقدونس مفروم.
- ربع كوباية من الجبنة البارميزان (اختيارى)
- طريقة التحضير:-
- فى بوله غويطه نحط اللحمه المفرومه و نحط عليها البصله المفرومه و البقدونس و الملح و الفلفل الاسود و جوزة الطيب و نقلب كل المكونات دى كويس فى بعض.
- و بعد كده نشكل خليط اللحمة كرات حجمها متوسط.
- فى صنية نحط فيها ورق زبدة لو موجود و نرص عليها كرات اللحمة و ندهنها بمعقة زيت نباتى.
- نشغل الفرن على درجة حرارة 180 و نسيبه لحد ما يسخن و بعد كده ندخل فيه الصنية و نسيبها لحد ما كرات اللحمة تستوى.
- و بعد كده نحضر الصلصة:-
- فى حله على النار نحط فيها 3 معالق زيت زيتون و نسيبه لحد ما يسخن و بعد كده نحط البصلة المتقطعة و التوم المفروم و نقليه كويس لحد ما يدبل.
- و بعد كده نضيف كوبايتين الطماطم المفرومه و و معلقة الصلصة اجاهزة و الريحان و الزعتر و السكر و البابريكا و الملح و الفلفل الاسود و نقلب كل المكونات دى مع بعض و نسيب الصلصة على النار لحد ما تتسبك يعنى تقريبا هنسيبها حوالى ربع ساعة.
- و بعدين نطلع كرات اللحمه من الفرن و نحطها على الصلصة و نقلبها براحه و نسيبها على النار 5 دقايق.
- و كده تكون كرات اللحم بصوص المارينارا جاهزة عندنا و نقدمها فى الاطباق و نرش عليها جبنة بارميزان و نقدمها و هى سخنة.
- و كده نكون قدمنالكم طريقة عمل كرات اللحمة بصوص المارينارا باسهل طريقة.
- تحتوى كرات اللحم بصوص المارينارا على 234 سعر حرارى لمقدار طبق متوسط.
- و تحتوى على قيم و عناصر غذائية مهمه و مفيدة و منها:-
- تحتوى على 11 جرام من الدهون.
- تحتوى على 2.6 جم من الدهون المشبعه.
- تحتوى على 0.2 جم من الدهون الغير مشبعة.
- تحتوى على 18 جم من البروتين.
- تحتوى على 9 جم من الكربوهيدرات.
- تحتوى على 2 جم من الالياف الغذائية.
- تحتوى على 4.4 جم من السكر.
- تحتوى على 17 مجم من الكولسترول.
- تحتوى على 923 مجم من الصوديوم.
