- مريم رجب
- 0 Comments
- 187 Views
هي واحدة من أحلى الأكلات الصحية و اللذيذة اللي تقدر تاكلها و تخسر وزنك في نفس الوقت و الفطيرة دي بتتميز بالمكونات الطبيعية و الخفيفة اللي فيها
و الفطيرة دي بتكون اختيار ممتاز لوجبة خفيفة أو وجبة رئيسية للي عايز يخسر وزنه و هي بتدى احساس بالشبع و ده علشان الألياف الغذائية اللي فيها و فنفس الوقت فيها العناصر الغذائية اللي جسمك محتاجها.
- المقادير:-
- كوباية دقيق اسمر.
- كوبايد دقيق قمح كامل.
- معلقة صغيرة زيت ذرة.
- – 3 كوبايات مايه.
- معلقة صغيرة ملح.
- معلقة صغيرة خميرة.
- الحشو:-
- كيلو سبانخ مسلوق.
- معلقة صغيرة كمون.
- معلقة صغيرة ملح.
- معلقة صغيرة سماق.
- كوباية صنوبر لو متاح.
- بصله مفرومة.
- طريقة التحضير:-
- نحضر العجينه:-
- اول حاجه نجيب بوله كبيرة و ننخل فيها الدقيق الاسمر و دقيق القمح الكامل و ننخل الخميرة و الملح و نقلب كل المكونات دى فى بعض.
- و بعد كده نضيف عليهم معلقة زيت الذرة و 3 كوبايات الماية الدافية واحدة واحدة و احنا بنعجنهم بالايد لحد ما يبقى عندنا عجينة متماسكة.
- نغطى البوله بقماشة نضيفة و نسيبها لمدة ساعتين كده لحد ما ترتاح.
- نحضر الحشو:-
- فى حله على النار نحط نص معلقة زيت زيتون و لما تسخن نحط عليها البصل و نقلبه لحد ما يبدأ يدبل نضيف عليه السماق وو الملح و نقلبهم و بعد كده نضيف السبانخ و الكمون و الصنوبر و نقلب المكونات مع بعض طويس و نشيلها من على النار.
- نحضر بقى فطيرة السبانخ:-
- بعد ما سيبنا العجينة بتاعتنا ترتاح ساعتين و حضرنا الحشو عندنا نعمل بقى الفطيرة.
- على الرخامة نرش رشة دقيق و نفرد عليها العجينه كويس.
- نشكلها على شكل دواير بقطاعه بلاستك او بكوباية كبيرة المهم انها تكون متساوية.
- و بعد كده نحشى كل قطعه نحط فى النص معلقة من الحشو فى نص العجينه و نقفلها على شكل مثلثات.
- و بعد ما نخلص كل العجينة نجب صنية و نبطنها بورق زبدة و لو مش متاح ندهنها بسيط زيت و بعد كده نرص فيها مثلثات السبانخ.
- نشغل الفرن على درجة حرارة 180 و نسيبه لحد ما يسخن و بعد كده ندخل الصنية و نسيبها لحد ما وش العجينة يحمر و بعد كده نطلعه من الفرن و نقدمة و هو سخن.
- وكده نكون عملنا فطيرة السبانخ بطريقة بسيطة و سهلة و صحية.
- تحتوى فطيرة السبانخ على 127 سعر حرارى لكل 100 جرام منها.
- تحتوى فطيرة السبانخ على قيم و عناصر غذائية مهمه و مفيدة لجسم الانسان و منها:-
- تحتوى على 4 جم من الدهون.
- تحتوى على 0.64 جم من الدهون المشبعه.
- تحتوى على 17 جم من الكربوهيدرات.
- تحتوى على 1 جم من الالياف الغذائية.
- تحتوى على 1.4 جم من السكر.
- تحتوى على 4 جم من البروتين.
- تحتوى على 10 مجم من الكولسترول.
- تحتوى على 227 مجم من الصوديوم.
- تحتوى على 325 مجم من البوتاسيوم.