- مريم رجب
- 0 Comments
- 76 Views
اللحم المشوي ده طبق محبوب جدا و مشهور و بيتعمل بطرق كتير بس أحنا النهاردة هنقدم طريقة اللحم المشوي مع الخضار علشان يبقى طبق غذائى متكامل و صحى و اللحم المشوي بالخضار طعمه لذيذ جدا و مميز و نقدر نستخدم اى نوع من اللحمة بنفضلها و لكن لازم يكون نسبة الدهون فيها قليلة
- المقادير:-
- كيلو لحمة يكون نسبة الدهون فيه قليله و متقطع شرايح.
- – 1 بطاطس.
- – 2 جزرة.
- بصلة.
- – 2 فلفل رومى احمر و اخضر.
- – 2 كوسة.
- – 2 طماطم.
- معلقة صلصة طماطم.
- – 3 معالق كبيرة زيت زيتون.
- ملح.
- معلقة زعتر.
- معلقة فلفل اسود.
- نص معلقة توم بودر.
- ربع معلقة كزبرة جافة.
- طريقة التحضير:-
- فى طاسه تيفال نحط فيها 3 معالق من زيت الزيتون على نار متوسطه و نسيبه لحد ما يسخن و بعد كده نحط الحمة المتقطعه شريح و نرش عليه رشة ملح و رشة فلفل اسود و نقلبها على كل جنب لحد ما يبقى لونها دهبى و تتحمر.
- و بعدين نشيل اللحمة من على النار و نسيبها على جنب.
- نقطع الخضار اللى عندنا البطاطس و الجزر و الطماطم و البصل و الفلفل الاحمر و الفلفل الاخضر و الكوسا شرايح رفيعه.
- فى صنية تيفال ندهنها بالزيت اللى حمرنا بيه اللحمه علشان يدى للخضار طعم حلو و نرص الخضار اللى قطعناه.
- و بعد كده نرش عليه الملح و الزعتر و التوم البودر و الفلفل الاسود و الكزبرة الجافة على الخضار و نقلب كل المكونات ببعض لحد ما الخضار يتبل كويس.
- و بعد كده نرص شرايح اللحمة اللى حضرناها على الخضار.
- و نحط معلقة الصلصة فى بوه و نحط عليها كوباية ماية و نقلبهم كويس لحد ما يبقى صوص و نحطه على الخضار و اللحمة.
- و بعد كده نغلف الصنية بورق الالمونيا كويس.
- نشغل الفرن على درجة حرارة 200 و نسيبه لحد ما يسخن و بعد كده نحط فيه الصنية و نسيبها ربع ساعة لحد ما اللحمة و الخضار يستوى و يبقى طرى و لذيذ.
- و بعدين نشيل ورق الالمونيا و نشغل الشواية و ندخل الصنية الفرن تانى لحد ما تتشوى و وشها يحمر.
- نطلع الصنية من الفرن و نقدم الخضار مع شرايح الحمة و هى سخنه مع سلطه خضراء و از بنى او مكرونه الحبوب الكاملة.
- و كده نكون قدمنا طريقة عمل اللحمة المشوى بالخضار باسهل و اسرع طريقة تحضير.
- يحتوى اللحمة و الخضار المشوى على 350 سعر حرارى تقريبا.
- تحتوى 100 جرام من اللحمة المشوى قليل الدهون على قيم و عناصر غذائية مهمة و مفيدة للجسم ومنها:-
- تحتوى على 4.71 جم من الدهون.
- تحتوى على 1.6 جم من الدهون المشبعه.
- تحتوى على 0 جم من الكربوهيدرات.
- تحتوى على 0 جم من الالياف الغذائية.
- تحتوى على 0 جم من السكر.
- تحتوى على 29.7 جم من البروتين.
- تحتوى على 62 مجم من الكولسترول.
- تحتوى على 38 مجم من الصوديوم.
- يحتوى على 2.4 مجم من الحديد.
- يحتوى على 241 مجم من البوتاسيوم.
- تحتوى على 6 مجم من الكالسيوم.
