- مريم رجب
- 0 Comments
- 294 Views
في الوصفة دي هنقدملك شوربة البطاطس و الكرات اللذيذة و الصحية اللي هتناسبك في رحلتك للدايت و فقدان الوزن و الشوربة دي هتكون خفيفة و مليانه بالنكهة الرائعة و اللذيذة و أهم حاجة إنها مش هتحتوي على دهون زائدة و هنقدمها بطريقة بسيطة و سهلة
- المقادير:-
- – 3 معالق زيت زيتون.
- – 1 كرات كبيرة مفرومة.
- فصين توم مهروسين.
- نص معلقة قرفة صغيرة.
- نص معلقة صغيرة شطه او تشيلى فليكس.
- – 3 كوبايات شوربة فراخ.
- – 3 كوبايات مايه.
- رشه جوزة الطيب.
- كيلو بطاطا حلوة.
- معلقة صغيرة من ورق اللورا المطحونة.
- رشة ملح.
- رشة فلفل اسود.
- كوباية كريمة طبخ لايت.
- طريقة التحضير:-
- نجيب حلة و نحط فيها زيت الزيتون و نحطها على نار متوسطة.
- و لما الزيت يسخن نضبف الكرات و الملح و الفلفل و نفضل نقلب فيهم لمدة 3 دقايق تقريبا.
- و بعد كده نضيف عليهم التوم المفروم و القرفة و التشيلى فليكس و جوزة الكيب و ورق اللورة و نقلبهم لمدة دقيقة كده.
- و نكون مقشرين البطاطا و غسلينها كويس و مقطعينها مكعبات او شرايح و نضيفها فى الحلة على الكرات و التوابل و نضيف عليها 3 كوبايات مايه و 3 كوبايات شوربة فراخ و نقلبهم و نسيبهم على النار لمدة 15 دقايق تقريبا لحد ما تكون البطاطا استوت و بقت طرية تماما.
- و بعد كده نشيلها من على النار و نسيبها 10 دقايق لحد ما تهدى و بعدين نضربها بالهاند بليندر كويس لحد ما توصل للقوام اللى عايزينه (لو الهاند بلندر مش متاح ممكن نستنى لحد ما الشوربة تهدى خالص و نضربها فى الخلاط الكهربائى) و بعدين نضيف عليها كريمة الطبخ اللايت و نشغل النار 10 دقايق لحد ما تغلى.
- و بعد كده نصب الشوربة فى اطباق مناسبه و نقدمها و هى سخنه.
- و كده نكون قدمنا شوربة البطاطا و الكرات باسهل و اسرع طريقة تحضير و بالهنا و الشفا.
- و يحتوى طبق من شوربة البطاطا و الكرات على 279 سعر حرارى تقريبا.
- و تحتوى شوربة البطاطا و الكرات على قيم و عناصر غذائية مفيدة للجسم و منها:-
- تحتوى على 9.3 جم من الدهون.
- تحتوى على 1.5 جم من الدهون المشبعة.
- تحتوى على 42.8 جم من الكربوهيدرات.
- تحتوى على 7.3 جم من الالياف الغذائية.
- تحتوى على 13 جم من السكر.
- تحتوى على 6.7 جم من البروتين.
- تحتوى على 0 مجم من الكولسترول.
- تحتوى على 617 مجم من الصوديوم.
- تحتوى على 167 مجم من البوتاسيوم.
- تحتوى على 60 مجم من الكالسيوم.