سلطة الكينوا من اكتر السلطات المفيدة و ممكن نعمل عليها الاضافات اللى بنحبها و أهم حاجة بس لازم نعرفها إن سلطة الكينوا مش بس صحية و مليئة بالعناصر الغذائية لكن هى كمان سريعة التحضير و ممكن نعتبرها وجبة خفيفة أو غدا سريع فلو كنت واحدة من الناس اللي بتحاول تعتني بصحتها و تأكل صحي لازم تجرب سلطة الكينوا و مش هتندم
- المقادير:-
- كوبايه و نص كينوا مغسوله كويس.
- بصله خضره متقطعه.
- فلفل الوان متقطع.
- جورة متقطعه.
- نص كوباية نعناع طازة مفروم.
- نص كوبايه بقدونس مفروم.
- طمطماية متقطعه مكعبات صغيرة.
- خيارة متقطعه مكعبات صغيرة.
- ربع كوباية زبيب.
- كابوتشى متقطع.
- مقادير التتبيله:-
- – 4 معالق كبيرة عصير ليمون.
- ربع كوباية زيت زيتون.
- نص معلقة صغيرة كركم.
- ملح.
- فلفل اسود.
- معلقة كبيرة مستردة.
- نص معلقة صغيرة من النعناع الناشف.
- نص معلقة من الريحان الناشف.
- طريقة التحضير:-
- فى حله على النار نحط فيها مايه و رشه ملح و نسيبها لحد ما تغلى و بعد كده نحط فيها الكينوا المغسوله و متصفيه كويس و نسيها على النار لمدة 10 دقايق لحد ما تستوى.
- و بعدين نشيل الحله من هلى النار و نصفى الكينوا كويس و نحطها فى بوله كبيرة.
- و نضيف على الكينوا البصل الاخضر المتقطع و الفلفل الالوان و الجزرة المبشورة و الطماطم و الخيار المتقطعين مكعبات صغيرة.
- نحط عليهم النعناع الطازة المفروم و البقدونس المفروم و الزبيب و الكابوتشى المتقطع و نسيب كل المكونات دى على جنب.
- و فى بوله تانيه نجهز التتبيله بتاعة السلطه نحط عصير الليمون و زيت الزيتون و الريحان الناشف و النعناع الناشف و الكركم و معلقة صغيرة ممسوحة من الملح و نص معلقة فلفل اسود و معلقة كبيرة مستردة و نقلبهم فى بعض كويس و نضيفهم على بولة الخضار.
- نقلب بقى مكونات السلطه مع التتبيله كويس لحد ما نتاكد ان السلطه كلها اتقلبت مع بعض.
- و كده تكون جاهزة عندنا و نقدر نقدمها فى اطباق التقديم مع الاطباق الرئيسيى اللى عملينها او ناكلها لوحدها كوجبة خفيفه.
- و يحتوى طبق سلطة الكينوا على 205 سعر حرارى تقريبا.
- و تحتوى سلطة الكينوا على قيم و عناصر غذائية مهمه و مفيدة للجسم و منها:-
- تحتوى على 7.4 جم من الدهون.
- تحتوى على 1.6 جم من الدهون المشبعة.
- تحتوى على 25.9 جم من الكربوهيدرات.
- تحتوى على 4.6 جم من الالياف الغذائية.
- تحتوى على 3.4 جم من السكر.
- تحتوى على 6.1 جم من البروتين.
- تحتوى على 12 مجم من الكولسترول.
- تحتوى على 403 مجم من الصوديوم.
- تحتوى على 225 مجم من البوتاسيوم.
