- يشتهر الرز باللين قى دول العربيه و تركيا.
- دايما يرتبط الرز باللين بالمصريون و يشتهر بانه طبق من الحلويات.
- و يقال ان اول ظهور للرز باللبن فى عصر الدوله الامويه و كان يطلق عليه مهلبيه.
- و انتقل لاوربا و كان يستخدم كوجبه اساسيه و ليس حلوى.
- يقال ان فى عصر الدوله العثمانيه فى القرن الخامس عشر و تحديدا فى تركيا ظهر اول طبق من الارز باللبن, الاتراك كانو يستخدموه علاج للمعده.
- انتقل الرز باللبن ل مصر فى نفس الوقت غالبا و كان يستخدم نوع من انواع الحلوى.
- يختلف اسم الرز باللبن بين الدول.
- مع تطور الرز باللبن بقى يضاف عليه مكونات تانيه زى مثلا القرفه و الزبيب و جوز الهند و غيرهم.
- بعض الناس يتناولون الارز بالبن الحادق و ليس الحلو.
- هنعمل دلوقتى الرز باللبن الحلو….
- المقادير:-
- – 2 كيلو لبن.
- كوبايه رز.
- كوبايه لبن بارد.
- كوباية سكر.
- – 3 معالق نشا.
- معلقتين كريم شانتى.
- معلقه صغيرة من الفانليا.
- طريقة التحضير:-
- نغسل الرز كويس و ننقعه لمدة نص ساعة و نصفيه كويس.
- فى حله نحط ال 2 كيلو لبن و نحط عليهم الرز المتصفي و نفضل نقلب فيه لحد ما يغلى.
- اول ما يغلى نقفل النار و نغطى الحله علطول و نسيبه لمدة نص ساعه تقريبا.
- نشغل النار تانى و نفضل نقلب فيه لحد ما نتاكد ان الرز استوى مظبوط.
- نحط عليهم السكر و نقلبهم كويس لحد ما السكر يدوب فى الرز باللبن.
- – فى بوله نحط نص اللبن البارد و النشا و نقلبهم كويس ونضيفهم لحله الرز باللبن و نقلبهم كويس جدا.
- و فى بوله تانيه نحط نص كوبايه اللبن الباردة الباقيه و نحط عليهم الكريم شانتي و نقلبهم كويس و نضيفهم للرز باللبن و نقلبه كويس.
- نستمر فى التقليب لحد ما يبقى قوامه متماسك و نضيف نص معلقه من الفانليا و نقلبه كويس.
- نقفل النار و نبدأ فى الغرف فى الاطباق التقديم المناسبة.
- ممكن نغرف الرز باللبن فى طواجن و ندخله الفرن لمدة 4 دقايق تقريبا لحد ما وش الرز باللبن ياخد لون محمر.
- نضيف على الرز باللبن المكسرات او القرفه او نضيف فاكهة او ايس كريم او يقدم سادة على حسب الرغبه.
- يحتوى طبق الرز بالبن على 370 سعرا حراريا تقريبا.
- يحتوى الرز باللبن على قيم غذائيه كتيرة و مفيدة و منها:-
- يحتوى على 4 جم من الدهون.
- يحتوى على 24.7 جم من السكريات.
- يحتوى على 10.1 جم من البروتين.
- يحتوى على 0.8 جم من الالياف الغذائية.
- يحتوى على 74.4 جم من الكربوهيدرات.
- يحتوى على 230 مجم من الكالسيوم.
- يحتوى على 673 مجم من الصوديوم.
- يحتوى على 174 مجم من البوتاسيوم.
- يحتوى على 14 مجم من الكولسترول.
- الارز باللبن يحتوى على مواد غذائية فانه غنى بالمعادن و الفيتامينات المفيدة للجسم.
