النهاردة هنقدملكم وصفة حلوة لمكرونة بالسبانخ و الفيتا و بتناسب الرجيم و هى طعمها حلو جدا و مميز و غير كده فهى سهلة اوى فى طريقة تحضيرها و سعرتها لاحرارية قليله و هى وجبة غذائية متكاملة و صحية
- المقادير:-
- جزمة سبانخ.
- باكت مكرونه من القمح الكامل.
- كوباية جبنه فيتا مفتته.
- طمطماية.
- فصين توم مهروسين.
- معلقة كبيرة زيت زيتون.
- ملح.
- فلفل اسود.
- طريقة التحضير:-
- اول حاجه نعملها نغسل السبانخ كويس اوى و نصفيها و بعد كده نفرمها فى الكبة بس متبقاش نعمة.
- و بعدين نسلق المكرونه فى مايه مغلية و ملح و نسيبها لحد ما تستوى و بعد كده نصفيها و نسيبها على جنب.
- و فى نفس الوقت فى طاسه على النار نحط معلقة زيت الزيتون و لما يسخن نضيف عليه التوم المهروس و نفضل نقلب فيه لحد ما ريحة التوم تبدأ تظهر.
- نضيف فى الطاسه السبانخ المفرومة و نقلبها لحد ما تدبل و تطرى خالص و ده لمدة 5 دقايق تقريبا و بعد كده نضيف الطماطم المتقطعه مكعبات و نقلبها لحد ما تبدأ تدبل.
- و بعدين نحط عليها الجبنة الفيتا و نقلبها كويس لمدة دقيقتين تقريبا لحد ما السبانخ و الجبنة الفيتا يمتزجو فى بعض.
- و بعدين نضيف فى الطاسه المكرونه اللى مصفينها و نقلب المكونات كلها ببعض لحد ما المكرونه تتقلب كويس فى السبانخ و الجبنة الفيتا.
- و بعد كده نضيف الملح و نقلبها تقليبه اخيرة و نقدمها فى اطباق مناسبه و بعد كده نرش عليها فلفل اسود و نقدمها و هى سخنه.
- و كده نكون قدمنا طريقة تحضير المكرونه بالسبانخ و الفيتا باسهل و اسرع طريقة تحضير و بشكل صحى جدا و بالف هنا و شفا.
- و يحتوى طبق من المكرونة بالسبانخ و الفيتا على 120 سعر حرارى تقريبا.
- و تحتوى المكرونة بالسبانخ و الفيتا على قيم و عناصر غذائية مهمة و مفيدة و منها:-
- تحتوى على 2.7 جم من الدهون.
- تحتوى على 1.5 جم من الدهون المشبعة.
- تحتوى على 16.9 جم من الكربوهيدرات.
- تحتوى على 3.1 جم من الالياف الغذائية.
- تحتوى على 4 جم من السكر.
- تحتوى على 4.9 جم من البروتين.
- تحتوى على 29 مجم من الكولسترول.
- تحتوى على 119 مجم من الصوديوم.
- تحتوى على 142 مجم من البوتاسيوم.
- تحتوى على 42 مجم من الكالسيوم.
