- مريم رجب
- 0 Comments
- 108 Views
وصفة فطار سريعه و بسيطه و غير كده فهى وجبة فيها فوايد كتير للصحة لان فيها قيم غذائية كتير يحتاجها الجسم و من احسن الوجبات اللى ممكن نبدأ بيها يومنا علشان تدينا الطاقة اللازمه اننا نقوم بالنشاطات اللى عندنا و وجبة لذيذة جدا و تنفع طبعا للدايت.
- المقادير:-
- بيضتين.
- مشروم فريش متقطع.
- نص بصله متقطعه مكعبات.
- نص معلقة ملح.
- نص معلقة فلفل اسود.
- بقدونس مفروم.
- معلقتين كبار زيت زيتون.
- طريقة التحضير:-
- فى طاسه على النار نحط معلقتين زيت الزيتون و نسيبهم لحد ما يسخن و بعد كده نضيف البصل المتقطع و نقلبه لحد ما يدبل و يبقى لونه دهبى.
- و بعد كده نوطى النار خالص و نضيف المشروم الفريش المتقطع و نقلبه مع البصل و نسيبه 5 دقايق لحد ما يستوى و لونه يبقى غامق.
- فى بوله نكسر فيها البيضتين و نحط عليهم الملح و الفلفل الاسود و نقلبهم فى بعض كويس لحد ما يتخلطو و نسيهم على جنب.
- بعد ما المشروم يستوى نضيف البيض فى الطاسه على المشروم و البصل و نفضل نقلب فيه لحد ما البيض يستوى.
- و بعدين نقدم البيض فى اطباق مناسبه و نرش عليه البقدونس المفروم و لو متاح جبنه بارميزان ممكن نحط رشه بسيطه منها.
- و نقدم البيض بالمشروم و هو سخن مع توست اسمر او عيش بالردة.
- و كده نكون قدمنا وصفة الفطار البيض بالمشروم باسهل و اسرع طريقة تحضير و بالهنا و الشفا.
- و يحتوى طبق البيض بالمشروم على 300 سعر حرارى تقريبا.
- و يحتوى هذا الطبق على قيم و عناصر غذائية مهمة و مفيدة للجسم و منها:-
- يحتوى على 17 جم من الدهون.
- يحتوى على 4 جم من الدهون المشبعه.
- يحتوى على 10 جم من الكربوهيدرات.
- يحتوى على 2.5 جم من الالياف الغذائية.
- يحتوى على 5 جم من السكر.
- يحتوى على 21.5 جم من البروتين.
- يحتوى على 452 مجم من الكولسترول.
- يحتوى على 588 مجم من الصوديوم.
- يحتوى على 154 مجم من الكالسيوم.
- يحتوى على 3.7 مجم من الحديد
