- مريم رجب
- 0 Comments
- 215 Views
عندنا النهاردة وصفة حلوة و سهلة جداً لفراخ يوناني بالتوم و طعمها لذيذ و مميز الوصفة دي بتعتمد على استخدام التوابل اليونانية التقليدية مع الثوم اللي بيدي للطعم القوي و طبعا هى من الوصفات اللى سعرتها الحرارية قليله و اللى بتتميز انها تنفع طبعا من وجبات الدايت
- المقادير:-
- – 4 صدور فراخ مخلين من العضم و الجلد.
- – 4 فصوص توم مهروسين.
- معلقتين كبار زيت زيتون.
- عصير ليمونه.
- – 3 معالق كبار بقدونس مفروم.
- معلقة صغيرة زعتر يونانى مجفف.
- ملح.
- فلفل اسود.
- طريقة التحضير:-
- نجيب كيس تتبيله و لو مش متاح عادى نستخدم كيس تلاجه و عص فيه عصير الليمونه و معلقتين زيت الزيتون و البقدونس المفروم و التوم المهروس و الزعتر و الملح و الفلفل الاسود و نحرك الكيس كويس لحد ما يتخلطوا كويس ببعض.
- و بعدين بشوكه نعمل اخرام فى صدور الفراخ و نضيفهم بعد كده على الخليط اللى عملناه و نحرك الكيس كويس لحد ما التتبيله توصل لصدور الفراخ و تتبل كويس.
- و نحط الكيس فى صنيه و ندخلهم التلاجة شويه لمدة ساعه على الاقل و يفضل اكتر من ساعه علشان صدور الفراخ تشرب التتبيله كويس.
- و بعد كده نشغل الفرن على درجة حرارة 200 و نسيبه لحد ما يسخن.
- و بعد كده نجيب الصنيه و نرص فيها قطع الفراخ و نصب الخليط عليها.
- و كده يكون الفرن عندنا سخن ندخل صنية الفراخ فى الفرن و نسيبها نص ساعه لحد ما تستوى و بعد كده نشغل شواية الفرن و نسيب الصنيه تحت الشوايه لحد ما يتحمر وشها.
- نطلع الصنية من الفرن و نقدم صدور الفراخ فى اطباق مناسبه و نصب عليها الصوص الباقى فى الصنيه و نقدمه مع سلطه و ارز بنى و نقدمها و هى سخنه.
- و كده نكون قدمنا صدور الفراخ بالطريقة اليونانية باسهل و اسرع طريقة تحضير .
- يحتوى صدر الفراخ اليونانيه بالتوم على 285 سعر حرارى.
- و يحتوى هذا الطبق على قيم و عناصر غذائية كثيرة و مفيدة و منها:-
- يحتوى على 15.2 جم من الدهون.
- يحتوى على 3.2 جم من الدهون المشبعه.
- يحتوى على 2.6 جم من الكربوهيدرات.
- يحتوى على 0.4 جم من الالياف الغذائيه.
- يحتوى على 0.8 جم من السكر.
- يحتوى على 33 جم من البروتين.
- يحتوى على 101 مجم من الكولسترول.
- يحتوى على 389 مجم من الصوديوم.
- يحتوى على 323 مجم من البوتاسيوم.
