هي وصفة مميزة و سهلة جدا من المطبخ الاسيوى و بتعتمد على الفراخ اللذيذة و صوص البرتقال الحامضة اللي هيزود للوجبة نكهة جديدة و مميزة و الأكلة دي خفيفة على المعدة و مش بتضر بالرجيم و هى وجبة غذائية مكتملة و صحية جدا
- المقادير:-
- – 2 صدور فراخ متقطعه مكعبات.
- كوباية الا ربع عصير برتقال.
- ربع كوباية صويا صوص.
- ربع كوباية عسل.
- معلقة كبيرة توم مفروم.
- معلقة كبيرة جنزبيل فريش مفروم.
- ربع معلقة فلفل اسود.
- رشة ملح.
- طريقة التحضير:-
- فى بوله كبيرة نحط فيها عصير البرتقال و الصويا صوص و العسل و التوم المفروم و الجنزبيل المفروم و الفلفل الاسود و رشة الملح و نقلب كل المكونات دى فى بعض لحد ما تتخلط كويس.
- نضيف على الخليط ده صدور الفراخ المتقطعه مكعبات و نقلبه كويس و نغلف البوله بكيس بلاستك و ندخلها التلاجه لمدة ساعه علشان تشرب من الصوص كويس.
- و بعد كده نحط طاسه واسعه على النار و نحط فيها قطع الفراخ مع الصوص و نفضل نقلب فيهم لحد ما الفراخ تستوى تقريبا هنفضل نقلب فيها لمدة 20 دقيقة.
- و بعد كده نشيلها من على النار و نقدمها و هى سخنه مع الرز البنى او المكرونه من القمح الكامل.
- و كده نكون قدمنا طريقة عمل الفراخ بصوص البرتقال باسهل و اسرع طريقة و بالهنا و الشفا.
- تحتوى الفراخ بصوص البرتقال على 310 سعر حرارى تقريبا.
- تحتوى هذه الوجبة على قيم و عناصر غذائية مهمه و مفيدة للجسم و منها:-
- تحتوى على 9 جم من الدهون.
- تحتوى على 2 جم من الدهون المشبعه.
- تحتوى على 12 جم من الكربوهيدرات.
- تحتوى على 1 جم من الالياف الغذائية.
- تحتوى 5 جم من السكر.
- تحتوى على 34 جم من البروتين.
- تحتوى على 124 مجم من الكولسترول.
- تحتوى على 58 مجم من الصوديوم.
