النهاردة هنقدملكم وصفة سهلة جدا و لذيذة و طبعا من وجبات الدايت و هى الرز بالمشروم و بجد هى من الذ الطرق اللى ممكن نعمل بيها رز و طعمها مميز و لذيذ جدا و طبعا احنا على قد ما نقدر بنقدم وصفات متنوعه علشان تنفع وقت الدايت و ميبقاش فى اى نوع من الحرمان
- المقادير:-
- معلقة كبيرة زيت زيتون.
- كوباية مشروم طازه و متقطعه شرايح.
- بصله مفرومه.
- كوبايه رز بسمتى.
- مايه سخنه.
- معلقة صغيرة ملح.
- ربع معلقة صغيرة فلفل اسود.
- طريقة التحضير:-
- نغسل الرز البسمتى كويس و ننقعه فى مايه لمدة نص ياعه.
- فى حله تيفال او اى حلة مبيلزقش فيها الاكل نحط فيها معلقة الزيت الزيتون و لما يسخن نحط عليه البصل و نفضل نقلب فيه لحد ما يدبل و لونه يبدأ يتغير.
- نضيف على البصل المشروم اللى مقطعينه شرايح و نفضل نقلب فيهم لحد ما المشروم يستوى تقريبا يعنى لمدة 5 دقايق.
- و بعد كده نحط عليهم الملح و الفلفل الاسود و نقلبه.
- و نصفى الرز كويس من المايه و نضيفه عليهم و نقلبه لمدة 3 قايق.
- نضيف كوبايه و تلتين مايه سخنه على الرز و نسيبهم على النار لحد ما تغلى و بعد كده نغطى الحلة و نوطى النار خالص و نسبه لحد ما يتشرب الرز المايه و يستوى و يبقى مفلفل و نطفى النار عليه.
- و بعدين نقدم الرز بالمشروم فى اطباق مناسبه مع الفراخ المشويهلو اللحمة المشويه و نقدمه و هو سخن.
- و كده نكون قدمنا طريقة عمل الرز بالمشروم باسهل و اسرع طريقة تحضير و كده عندا وجبة صحية و متكاملة.
- يحتوى طبق الرز بالمشروم على 210 سعر حرارى تقريبا.
- و يحتوى هذا الطبق على قيم و عناصر غذائية مهمه و كتيرة و منها:-
- يحتوى على 2.5 جم من الدهون.
- يحتوى على 0 جم من الدهون المشبعه.
- يحتوى على 40.5 جم من الكربوهيدرات.
- يحتوى على 3.2 جم من الالياف الغذائية.
- يحتوى على 2 جم من السكر.
- يحتوى على 4.7 جم من البروتين.
- يحتوى على 5 مجم من الكولسترول.
- يحتوى على 599 مجم من الصوديوم.
- يحتوى على 0 مجم من البوتاسيوم.
