- مريم رجب
- 0 Comments
- 158 Views
- كفته الرز من اكتر انواع الكفته الشهيه جدا و التى يحبها اغلب الناس.
- اصل كفته الرز من صعيد مصر و غالبا ما يضاف عيها الصلصه.
- كفته الرز تتميز بانها سهلة التحضير.
- كانت كفته الرز وجبه اساسيه فى العزايم فى مصر و كانت تقدم بجانبها المكرونه او الرز او الخضروات.
- اصل كلمه كفته هى اللغه الفارسيه.
- توجد انواع كتير من الكفته من ضمنهم كفته الرز الشهيرة جدا.
- يقال ان الكفته معروفه من الدوله الفاطمية.
- طريقه عمل كفتة الرز:-
- المقادير:-
- كيلو لحمه مفرومه.
- – 2 كوبايه رز.
- – 2 بصله متوسطه الحجم.
- رأس ثوم.
- ملح.
- فلفل اسود.
- كمون.
- معلقه صغيرة شطه.
- بقدونس.
- كزبرة خضراء.
- شبت.
- معلقه صغيرة من السبع بهارات.
- معلقه صغيرة قرفه.
- معلقه صغيرة من الزنجبيل.
- مقادير الصلصه:-
- – 4 فصوص توم.
- ملح.
- فلفل اسود.
- معلقه زبدة.
- بصله صغيرة مفرومه.
- طماطم.
- طريقة تحضير الكقته:-
- نغسل الرز كويس و ننقعه ساعتين و بعدين نسيبه لحد ما ينشف خالص.
- بعد ما ينشف نحطه فى مطحنة التوابل و نطحن الرز كويس جدا لحد ما يبقى بودرة ناعمة.
- نفرم البصل و الخضرة و التوم كويس.
- فى بوله غويط نحط اللحمه و الرز الناعم و نقلبهم كويس و عليهم البصل و التوم و الخضره و الملح و الفلفل الاسود و السبع بهارات و القرفه و الجنزبيل و الكمون و الشطه (التوابل) و نقلبهم كويس جدا ببعض.
- نحط كل الخليط فى الكبه و نضربهم كويس و نتاكد ان كل المكونات امتزجت ببعض.( نقسم الكميه فى الكبه علشان نتاكد ان العجينه كلها قوامها مظبوط) لحد ما يبقى لون العجينه اللون الاخضر.
- نشكل العجينه لكور او صوابع على حسب الرغبه و الشكل اللى تحبوه؛ و احنا بنصبع العجينه ندهن ايدينا زيت علشان العجينه متلزقش فيها.
- فى طاسه غويطه على نار عاليه احط زيت كتير و اسيبه لحد ما يسخن و بعدين احط فيه الكوفته و اقلبها على الجنبين لحد ما تتحمر و تاخد اللون الذهبى الغامق.
- فى طبق مناسب احط فيه مناديل مطبخ و اخرج عليها الكفته علشان تتخلص من كل الزيت الزيادة فيها.
- تحضير الصلصة:-
- نغسل الطماطم كويس و نضربها كويس فى الخلاط الكهربائى و بعد كده نصفيها كويس.
- فى حله على النار نحط فيها معلقه كبيرة من الزبدة و نحط عليها التوم المفروم و البصله المفرومه و نقلبهم كويس لحد ما يبقى لونهم دهبى.
- نضيف عليهم الطماطم و نقلبها كويس و نحط عليها الملح و الفلفل الاسود على حسب الرغبه.
- نسيبها لحد ما تتسبك خالص و بعدين نضيف عليها كوبايه مايه مغليه و نقلبهم كويس لحد ما تغلى.
- تقدم الصلصه بجانب الكفته او نضع بها اصابع كفته الرز و ممكن ان تاكل كفته الرز من غير صلصه على حسب الرغبه.
- و تقدم كفته الرز مع الارز او المكرونه او تتاكل بالعيش.
- تحتوى كفته الرز على 215 سعرا حراريا تقريبا لكل 100 جم منها.
- تحتوى كفته الرز بالصلصه على قيم و غذائيه و عناصر كتيرة و مفيدة:-
- تحتوى على 16 جم من الكربوهيدرات.
- تحتوى على 11 جم من الدهون.
- تحتوى على 1.2 جم من الدهون المشبعه.
- تحتوى على 13 جم من البروتين.
- تحتوى على 1.8 جم من الالياف الغذائيه.
- تحتوى على 0.3 جم من السكريات.
- تحتوى على 820 مجم من الصوديوم.
- تحتوى على 85 مجم من الكولسترول.
- تحتوى على 373 مجم من البوتاسيوم.
- كفته الرز من الاكلات اللذيذة و الشهيه جدا التى يحبها الجميع و انها واجبه غذائيه مكتمله تحتوى على عناصر غذائية مفيدة و مهمه للجسم و السعرات الحراريه بها قليله و بالنسبه التى نحتاجها.
- و لكن لابد من عدم الافراط فى اكلها حتى لا تكون لها اضرار سلبيه.