- مريم رجب
- 0 Comments
- 72 Views
النهارده هنتكلم عن وصفة مشهورة و طعمها لذيذ و مميز و هي وصفة السلمون بخل البلسميك الوصفة دى بجد من احلى الوصفات اللى ممكن نقدمها و كمان تنفع جدا لوجبات الدايت لان السعرات الحراريه بتاعتها قليلة و ليها فوايد كتير.
- المقادير:-
- نص كيلو سمك سلمون.
- عصير ليمونة.
- معلقتين صغيرين رزمارى.
- صلصة خل البلسمك:-
- – 3 معلقة كبيرة زيت زيتون.
- – 3 معلقة كبيرة من خل البلسمك.
- معلقة صغيرة خردل.
- معلقة صغيرة عسل.
- معلقة صغيرة توم مفروم طازه.
- ملح.
- فلفل اسود.
- طريقة التحضير:-
- فى بوله نحك فيها عصير الليمون و الرزمارى و نحط عليهم شرايح سمك السلمون و نقلبهم فى بعض كويس و نحهم فى التلاجه نص ساعه.
- و بعد كده نشغل الفرن على درجه حرارة 200 و بعدين نجيب صنية و نبطنها بورق الالمونيا و نرص عليه شرايح السليمون و ندخلها الفرن لمدة ربع ساعه لحد ما يبقى قرب يستوى.
- فى الوقت ده نجيب حله على نار وطيه و نحط فيها زيت الزيتون و لما يسخن نضيف عليه التوم المهروس و نقلبه لحد ما يدبل و ريحة التوم تظهر و بعد كده نضيف عليه العسل و خل البلسميك و الخردل و الماح و الفلفل الاسود و نقلبهم فى بعض كويس و نسيبهم على النار الواطية لمدة 3 دقايق تقريبا لحد ما يبقى تقيل شويه كده.
- نطلع الصنيه من الفرن و نصفيها و بعد كده ندهن الفليه بخليط خل البلسمك و بعد كده ندخل الصنية الفرن تانى لمدة 10 دقايق لربع ساعه لحد ما سمك السلمون يتشرب من خل البلسمك كويس.
- و بعد كده نطلع من الفرن و ندهنه تانى من خليط خلى البلسميك اللى باقى عندنا و نقدمه فى اطباق مناسبة مع رز بنى و سلطه و نقدمه و هو سخن.
- و كده نكون قدمنالكم وصفة سمك السلمون بخل البلسميك باسهل طريقة تحضير و بطريقة صحية.
- يحتوى سمك السلمون بخل البلسميك على 257 سعر حرارى تقريبا.
- و يحتوى هذا الطبق على قيم و عناصر غذائية كثير و منها؛
- يحتوى على 17.44 جم من الدهون.
- يحتوى على 2.5 جم من الدهون المشبعه.
- يحتوى على 2.9 جم من الدهون الغير مشبعة.
- يحتوى على 4 جم من الكربوهيدرات.
- يحتوى على 0.3 جم من الالياف الغذائية.
- يحتوى على 1 جم من السكر.
- يحتوى على 22.7 جم من البروتين.
- يحتوى على 59 مجم من الكوللسترول.
- يحتوى على 156 مجم من الصوديوم.
- يحتوى على 380 مجم من البوتاسيوم.
