- مريم رجب
- 0 Comments
- 196 Views
وجبة الفطار من الوجبات الاساسية و المهمة جدا فى الدايت الصحى او اى نظام غذائى بشكل عام و لكن من المهم ان تكون وجبة الفطار صحية و فيها عناصر غذائية صحية للجسم و طبعا الافضل ان وجبة الفطار تكون الصبح بدرى علشان تدى الجسم الطاقة اللى محتاجها قبل اى مجمود هيبذلة
- اول فطار معانا و هو توست اسمر و بيض مسلوق:-
- المقادير:-
- – 2 توست اسمر.
- بيضة.
- شريحتين جبنة شيدر.
- طمطماية
- خيارية.
- طريقة التحضير:-
- نسلق البيض فى مايه و معلقة خل و بعد كده نقشرها و نقطعها شرايح.
- نغسل الخيار و الطماطم كويس و نقطعهم شرايح.
- – نجيب شريحة توست نحط فيها الجبنة الشيدر و الطماطم و الخيار و نحط عليهم البيض المسلوق و نحط رشة فلفل اسود صغيرة و اخر حاجه الشريحة التانية من التوست.
- و نقدمه مع عصير برتقان فريش بدون سكر.
- و الوجبة دى السعرات الحرارية بتاعتها 350 سعر حرارى تقريبا.
- الفكرة التانية معانا للفطار هى الشوفان بالفواكه:-
- المقادير:-
- – 4 معالق كبيرة من الشوفان.
- كوباية لبن خالى الدسم.
- نص ثمرة كيوى.
- نص ثمرة تفاح.
- نص ثمرة موز.
- – 7 حبات من اللوز المقشر.
- معلقة عسل نحل صغيرة (اختيارى).
- طريقة التحضير:-
- نحط فى بوله الشوفان و كوبايه اللبن و ندخلهم الميكرويف 3 دقايق و بعد كده نطلعه من الميكرويف و نسيبه يبرد شوية.
- نغسل الفاكهة كويس و نقشرها و نقطعها شرايح.
- – نحط معلقة العسل على الشوفان و البن و نقلبهم فى بعض كوبس و بعد كده نضيف عليهم الفاكهة و اللوز المقشر و نقدمه.
- و الوجبة دى السعرات الحرارية بتاعتها 450 سعر حرارى تقريبا.
- الفطار التالت هو الريس كيك :-
- المقادير:-
- – 2 من الريس كيك.
- معلقة كبيرة من زبدة الفول السودانى.
- معلقة كبيرة من القشطة اللايت.
- نص ثمرة موزة.
- – 10 من التوت الاسود.
- معلقة صغيرة من بذور الكتان.
- طريقة التحضير:-
- هناخد واحدة من الريس كيك و هنحط عليها معلقة زبدة الفول السودانى و هنقطع عليها الموز و هنرش عليها معلقة بذر الكتان.
- و الرايس كيك التانيه هنحط عليها معلقة القشطة اللايت و هنحط عليها من فوق التوت الاسود و عليها معلقة عسل صغيرة و كده يبقى جاهزين عندنا و نقدمها.
- الوجبة دى السعرات الحرارية بتاعتها 304 سعر حرارى تقريبا.
- الفطار الرابع بيض بالخضار مع توست سكويزر:-
- المقادير:-
- – 2 من توست سكويزر او توست اسمر.
- – 2 من البيض.
- فلفل رومى متقطع قطع صغيرة.
- بصلة متقطعه.
- مشروم متقطع قطع صغيرة.
- نص معلقة ملح.
- معلقة فلفل اسود.
- – 2 معلقة صغيرة زيت زيتون.
- طريقة التحضير:-
- فى بوله نحط بياض البيض و نقلبه كويس لحد ما يبقى قوامه متجانس.
- نحط فى طاسه على النار معلقتين زيت زيتون و نسخنه كويس و بعد كده نحط البصل المفروم و المشروم و الفلفل المتقطعين قطع صغيرة و نضيف الملح و نقلبهم كويس و بعد كده نحط البيض و نقلبهم فبعض لحد ما البيض و الخضار يستوى و بعد كده نقدمه فى طبق مع التوست السكويرز او الاسمر و ممكن نقدم معاه طماطم شيرى متقطعه.
- و السعرات الحراريه فى الوجية دى 377 سعر حرارى تقريبا.
- و الفطار الخامس معانا هو فطائر الموز بالعسل و القرفة:-
- المقادير:-
- – 2 من الموز كبير.
- – 4 معالق عصير الليمون.
- – 2 معلقة كبيرة من العسل.
- معلقة كبيرة من القرفة.
- طريقة التحضير:-
- – نشغل الفرن على درجة حرارة 180 و نسيبة لحد ما يسخن.
- فى صنية نحط فيها ورق زبدة و نقطه الموز شرايح سميكه و نرصها فى الصينة.
- و بعد كده ندهن الموز بعصير الليمون و العسل و نرش على وش الموز القرفة المطحونة.
- ندخل الصنية الفرن و نسيبها من 8 ل 10 دقايق تقريبا و بعد كده نطلقه من الفرن و نقدمه و هو سخن او و هو دافى.
- و الوجبة دى تحتوى على 283 سعر حرارى تقريبا.
- و كده نكون قدمت 5 أفكار للفطار مختلفة و صحية.