- مريم رجب
- 0 Comments
- 205 Views
- من وجبات الفطار الصحيه و تعتبر ايضا من الوجبات الاضافيه بين الوجبات الاساسيه.
- طريقه تحضيرها سهلة و سريعه جدا و مكونتها بسيطه.
- يقدم الكاب كيك فى المناسبات و الاحتفالات و التجمعات.
- تتميز كاب كيك الشوفان بطعمه الشهى و اللذيذ جدا بالاضافه من انه صحى للجسم لان فيه قيم غذائيه مفيدة جدا و مهمه.
- طريقه عمل كب كيك الشوفان بالتمر….
- المقادير:-
- كوبايه دقيق ابيض.
- كوبايه من الشوفان المطحون او دقيق الشوفان.
- – 2 معلقه صغيرة بيكينج بودر.
- ربع معلقه ملح.
- – 3 من البيض.
- معلقه كبيرة فانيليا.
- كوبايه من التمر مخلى من النوه.
- – 2 معلقه كبيرة زبدة.
- كوبايه و ربع لبن دافى.
- التزيين:-
- نص كوبايه من الشوفان.
- مقادير الكرميل:-
- كوبايه الا ربع سكر.
- معلقه و نص زبدة.
- علبه صغيرة من الكريمه.
- طريقه التحضير:-
- فى بوله نحط كوبايه التمر و عليها كوبايه اللبن الدافى و نقلبهم فى بعض و نسيبهم على جنب حوالى تقريبا ساعه.
- نحط خليط التمر و اللبم فى الخلاط الكهربائى و نضربهم جامد لمدة تقريبا 3 دقايق لحد ما يبقى خليط ناعم.
- فى بوله غويطه نحط معلقتين من الزبدة و نضربهم بالمضرب الكهربائى و بعد كده نضيف البيض تدريجيا واحدة واحدة ونضرب البيض و الزبدة مع اضافه كل بيضة و حط عليهم معلقه كبيرة فانيليا و نضربهم كويس.
- نضيف عليهم التمر و اللبن اللى خلطناهم ببعض و نقلب المكونات كويس بالمضرب الكهربائى على سرعه قليله او بالسباتولا.
- نحط دقيق الشوفان على الدقيق الابيض و البيكينج بودر و نقلبهم ببعض كويس و ننخلهم علشان ميبقاش فى اى تكتلات.
- نضيف خليط الشوفان و الدقيق على خليط البيض و التمر تدريجيا واحدة واحدة و نقلبهم ببعض كويس بالسباتولا او بالمضرب الكهربائى بس يكون على سرعه قليله لحد ما نتاكد ان كل المكونات اتخلطت ببعض كويس.
- نجهز عندنا صنيه الكب كيك و نحط فى كل واحدة ورق زبدة بتاع الصنيه و لو مش متاح ندهنها بالزبدة كويس و نحط دقيق و نوزعه كويس.
- نوزع خليط الكيك فى قوالب الكاب كيك و نحط على الوش حبات شوفان.
- نشغل الفرن على درجه حرارة 180 و نسيبه لحد ما يسخن.
- ندخل الصنيه الفرن و نحطها فى الرف اللى فى النص و نسيبها لحد ما تستوى تقريبا لمدة 20 دقيقة.
- نجهز صوص الكراميل علشان نزيين بيه الكاب كيك:-
- فى حله غويطه على نار درجه حرارتها متوسطه نحط السكر و نسيبه لحد ما يبدأ يتحول لونه لدهبى نفضل نقلب فيه لحد ما كل السكر يدوب و يتحول لكرميل و يبقى لونه دهبى غامق شويه.
- نحط عليه الزبدة و نفضل نقلب فيهم لحد ما الزبدة تدوب.
- نزود عليهم الكريمه واحده واحده و نفضل نقلب فيهم لحد ما يبقى الخليط كله متجانس مع بعض و يبقى صوص الكراميل متماسك و ناعم.
- نسيبه لحد ما يبقى يبرد.
- نطلع صنيه الكب كيك من الفرن لما نتاكد انها استوت و نسيبها على جنبب لمدة 10 دقايق لحد ما تهدى.
- نطلع الكاب كيك من الصنيه و نرصه فى اطباق تقديم مناسبه و نضيف عليه صوص الكراميل اللى عملناه و نقدم الكب كيك و هو دافى او و هو بارد على حسب الرغبه.
- ممكن نعمل بدل صوص الكراميل جناش الشكولاته و ممكن نقدمه من غير اى اضافات و هيبقى طعمله لذيذ و مميز.
- تحتوى كل واحدة من كب كيك الشوفان بالتمر على 400 سعرا حراريا تقريبا.
- يحتوى كب كيك الشوفان بالتمر على قيم و عناصر غذائيه كتيرة و منها:-
- يحتوى على 19 جم من الدهون.
- يحتوى على 10 جم من الدهون المشبعه.
- يحتوى على 53 جم من الكربوهيدرات.
- يحتوى على 2 جم من الالياف الغذائيه.
- يحتوى على 38 جم من السكر.
- يحتوى على 5 جم من البروتين.
- يحتوى على 52 مجم من الكولسترول.
- يحتوى على 298 مجم من الصوديوم.
- يحتوى على 172 مجم من البوتاسيوم.
- يحتوى على 1.5 مجم من الحديد.
- يحتوى على 62 مجم من الكالسيوم.
- يحتوى على 2 مجم من فيتامين سى.
- – يحتوى على 38 ميكروجرام من فيتامين أ.