- البصارة من الاكلات الشهيرة فى مصر و المغرب و فلسطين.
- البصارة اكله مصريه شعبيه كانت منشرة جدافى الوجه البحرى و الوجه القبلى لحد نهايه القرن العشرين.
- البصارة كانت اكلة البسطاء لان تكلفتها بسيطه و هى تحتوى على البروتين اللازم للجسم و بها عناصر كتيرة مفيدة.
- اسم البصارة مقتبس من اسم( بيصورو) و هى اسمها الاصل و معناه الفول المطبوخ ؛و هو العنصر الاساسى فى عمل البصارة.
- البصارة اصلها اكله فرعونيه و المصريون القدماء هما اول من قدموا البصارة ؛و لكن يقول البعض ان اصل البصارة فلسطين.
- فى طرق كتير لتحضير البصارة فى المنازل و لكل منهم المزاج الخاص بها.
- طريقه عمل البصارة المصريه:-
- المقادير:-
- نص كيلو فول مدشوش.
- بصله.
- كزبرة خضره.
- شبت.
- – 3 فصوص ثوم.
- ملح.
- كمون.
- شطه (حسب الرغبه).
- نعناع جاف.
- طريقه تحضير البصارة:-
- نغسل الفول المدشوش كويس و ننقعه فى المايه لمدة 4 ساعات تقريبا و بعدين نصفيه.
- فى حله على نار متوسطه نحط مايه لحد ما تسخن و بعدين نحط الفول و البصل و الملح و التوم و نسيبهم نص ساعه.
- نضيف الكزبرة الخضره و الشبت و الكمون و الشطه للفول و نقلبهم كويس و نسيبهم نص ساعه تانيه لحد ما الفول المدشوش يستوى.
- نشيل الحله من على النار و نسيبها لحد ما الخليط يبرد.
- فى الخلاط الكهربائى نحط الخليط و نضربه كويس جدا لحد ما يبقى القوام ناعم.
- صفى البصارة بعد ضربها فى حله تانيه و نحضر التقليه.
- مقادير التقليه:-
- بصله صغيره مفرومه.
- – 3 فصوص من الثوم.
- نص معلقه كزبرة ناشفه.
- نص معلقه صغيره ملح.
- معلقتين زيت كبيره
- تحضير التقليه:-
- فى طاسه على النار نحط الزيت لحد ما يشخن و نضيف عليه البصل المبشور و التوم المفروم و الكزبره و الملح و نحمرهم كويس لحد ما يوصل لللون الذهبى.
- نحط التقليه على البصارة و نشغل نار هاديه عليها لحد ما تغلى.
- نشيل البصارة من على النار و تقدم ساخنه.
- عمل البصل المحمر لاضافته على وجه البصارة….
- المقادير:-
- – 2 بصله.
- ملح.
- زيت غزير.
- طريقه التحضير:-
- نقطع البصل شرائح و نحط عليه نص معلقه ملح و نفركهم كويس و نسيبه فى المصفاه.
- فى طاسه على النار نحط كميه زيت كتيرة لحد ما يسخن.
- نحط البصل فى الزيت لحد ما يتغير لونه و يتحمر.
- نشيله من الزيت و نحطه فى طبق مناسب عليه مناديل مطبخ علشان يصفى كل الزيت الزيادة اللى فيه.
- نقدم البصارة و نضيف على وشها البصل المحمر…
- تحتوى البصارة على 162 سعرا حراريا تقريبا.
- تحتوى البصارة على قيم غذائيه و عناصره كتيرة مفيدة و منها:-
- تحتوى على 10.7 جم من الدهون.
- تحتوى على 1.4 جم من الدهون المشبعه.
- تحتوى على 16.3 جم من الكربوهيدرات.
- تحتوى على 3.1 جم من البروتين.
- تحتوى على 4.6 جم من الالياف الغذائيه.
- تحتوى على 4.5 جم من السكريات.
- تحتوى على 54 مجم من الصوديوم.
- تحتوى على 365 مجم من البوتاسيوم.
- تحتوى على 98 مجم من الكالسيوم.
- تحتوى على 0 مجم من الكولسترول.
- تحتوى على 3 مجم من الحديد.
- تحتوى على 0 ملغ من فيتامين د.
- تعتبر البصارة من الوجبات الغذائيه المكتمله لاحتوائها على كل القيم و العناصر الغذائية.
