- مريم رجب
- 0 Comments
- 106 Views
من الاكلات المشهورة جدا فى الدايت و المفضله عند ناس كتير جدا لانها وجبه صحية متكاملة ده ير ان الفراخ فيها احماض امينية و هى بتساعد على انها تحافظ على المعادن فى الجسم و طبعا ده غير طعمها اللذdذ و المميز اللى ميختلفش عليه حد
- طريقة عمل صدور الفراخ فى الفرن:-
- المقادير:-
- كيلو صدور فراخ.
- عصير ليمونه.
- – 6 فصوص توم.
- معلقة صغيرة ملح.
- زيت زيتون.
- – 3 معالق زيت نباتى.
- كوباية زبادى يونانى.
- نص معلقة بصل بودر.
- نص معلقة فلفل اسود.
- نص معلقة زعتر.
- طريقة التحضير:-
- نغسل صدور الفراخ كويس و نخليها من العضم و الجلد.
- و فى بوله كبيرة نحط فيها نص كوباية زيت زيتون و 3 معالق زيت نباتى و نحط عليهم الزبادى و نقلبهم فى بعض و بعد كده نضيف التوم المهروس و نحط التوابل بقى الملح و الفلفل الاسود و الزعتر و البصل بودر و نقلب المكونات كويس اوى فى بعض.
- نضيف صدور الفراخ المخليه على الخليط و نقلبهم مع بعض و نتاكد ان صدور الفراخ اتبلت كويس و بعد كده نغطى البوله بكيس بلاستك و ندخلها التلاجه من 3 ساعات ليوم كام علشان نتاكد انها اتبلت كويس.
- نشغل الفرن على درجة حرارة 180 و نسيبه لحد ما يسخن.
- ندهن صنية بشوية زيت و نرص صدور الفراخ فيها و بعد كده ندخلها الفرن لحوالى نص ساعه و وهى فى الفرن نقلبها فلى الناحيتين علشان تتشوى من الناحيتين كويس و تحمر.
- و بعد كده نحطها فى اطباق و هى سخنه و نقدمها مع سلطة او مكرونه بحبوب كاملة او رز بنى على حسب الرغبة.
- و كده نكون قدمنها باول طريقة و هى الفرن ندخل بقى على تانى طريقة.
- طريقة عمل صدور الفراخ المشوية على الجريل:-
- المقادير:-
- كيلو صدور فراخ مخليه من الجلد و العضم.
- معلقة صغيرة توم بودر.
- معلقة صغيرة كمون.
- نص معلقة صغيرة كزبرة مطحونة.
- نص معلقة صغيرة بابريكا مدخنة.
- نص معلقة ملح.
- ربع معلقة فلفل اسود.
- عصير ليمونه.
- معلقتين زيت زيتون كبيرة.
- طريقة التحضير:-
- فى بوله هنحط فيها عصير الليمون و معلقتين زيت الزيتون و نضيف البهارات التوم البودر و الكمون و الكزبرة المطحونه و البابريكا المدخنه و الملح و الفلفل الاسود و الزعتر و نقلب كل المونات دى فى بعض.
- نضيف الفراخ على التتبيله اللى جهزناها و نقلب صدور الفراخ كويس و ندخلها التلاجه و نسيبها على الاقل 3 ساعات.
- نشغل الجريل و نظبطه على درجة حرارة متوسطه و لو مش متاح عندنا يبقى نحط طاسه على نار متوسطه ؛ و لما يسخن الجريل نرص فيها صدور الفراخ و نقلبه على الجانبين كل 4 او 6 دقايق لحد ما نتأكد ان صدور الفراخ استوت تماما.
- و بعد كده نرص صدور الفراخ فى الطبق و نقدمه و هى سخنه مع رز بنى او سلطة خضراء.
- و كده نكون قدمنالكم طريقتين لشوى صدور الفراخ و بالهنا و الشفا.
- و يحتوى صدر الدجاج المشوى على 190 سعر حرارى تقريبا.
- و تحتوى صدور الفراخ المشوية على عناصر و قيم غذائية مفيدة و مهمة للجسم و منها:-
- تحتوى على 9.9 جم من الدهون.
- تحتوى على 1 جم من الدهون المشبعه.
- تحتوى على 0.8 جم من الكربوهيدرات.
- تحتوى على 0.2 جم من الالياف الغذائية.
- تحتوى على 0.2 جم من السكر.
- تحتوى على 72 مجم من الكولسترول.
- تحتوى على 349 مجم من الصوديوم.