- مريم رجب
- 0 Comments
- 234 Views
- المولتن كيك او لافا كيك اصلها حلوى فرنسيه.
- هى من اشهر وصفات كيك الشكولاته لانها بسيطه جدا فى المكونات و فى الطريقه.
- ظهرت كيك الشكولاته لاول مرة على يد الطباخه الشهيرة (اليزا ليزلى) فى عام 1847.
- كانت كيكه الشكولاته للاغنياء فقط لصعوبه الحصول على الشكولاته و لان سعرها كان غالى جدا.
- اصبح سعر الشكولاته فى متناول الجميع فى القرن العشرين و انتشرت من هنا كيكة الشكولاته بين الناس و لكن كانت مشهورة اكتر فى الاحتفالات و الاعياد.
- كيكه البلاك فورست( كيك الغابه السوداء) ظهرت لاول مرة فى المانيا.
- مع تطور المولتن كيك و انتشارها فى جميع دول العالم و اصبحت من الحلوى الرئيسيه ظهرت منها طرق مختلقه لطبخها.
- طريقه عمل المولتن كيك:-
- المقادير:-
- – 2 معلقه كبيرة دقيق.
- معلقه صغيرة من البيكينج بودر.
- – 4 معلقه كبيرة سكر ابيض ناعم .
- نص كوبايه زبدة.
- رشه صغيرة جدا ملح.
- معلقه صغيرة فانيليا.
- – 3 من البيض.
- كوبايه من الشكولاته الخام.
- طريقه التحضير:-
- نشغل الفرن علشان يسخن على درجه حرارة 200.
- نحضر القوالب بتاعه المولتن كيك و ندهنها زبدة كويس و نرص القوالب قى صنيه كبيرة مناسبه. (الكميه تكفى 6 قوالب)
- فى بوله عازله للحرارة( ينفع احطها فى الميكرويف) احط فيها الشكولاته و الزبدة و احطها فى الميكررويف على درجه حرارة صغيرة لمدة 30 ثانيه تقريبا لحد ما تسيح الشكولاته و الزبدة تدوب.
- او فى حله على النار تكون فيها مايه مغليه احط فيها بوله عازله للحرارة و احط فيها الزبدة و الشكولاته و افضل اقلب فيهم لحد ما الخليط يدوب؛ و بعدين اسيبهم يبردو شويه.
- فى بوله غويطه احط البيض و السكر الناعم و الفانيليا و اظربهم كويس جدا ببعض بمضرب بيض كهربائى او بدوى( المتاح نستخدمه) و نضيف عليهم الشكولاته و نضربهم كويس.
- نضيف عليهم الدقيق و البيكينج بودرة المنخولين و نقلبهم كويس جدا.
- نقسم الخليط فى القوالب.
- نحط الصنيه فى الفرن على درجه حرارة هادية و نسيبها لمدة لا تزيد عن 15 دقيقه لحد ما تبقى من الطرف متماسكه و لكن من جوه طريه.
- بحذر شديد نحدد اطراف المولتن كيك بالسكينه.
- نقلب قوالب المولتن كيك فى اطباق تقديم مناسبه و نزينها بالسكر الناعم المطحون او بصوص الشكولاته.
- المولتن كيك من الوصفات التى تحتوى على سعرات حراريه عاليه جدا؛ فان قالب المولتن كيك الواحد يحتوى على 380 سعرا حراريا تقريبا.
- فى المولتن كيك قيم و عناصر غذائيه كتيره و منها:-
- تحتوى على 21.3 جم من الدهون.
- تحتوى على 13 جم من الدهون المشبعه.
- تحتوى على 5.5 جم من البروتين..
- تحتوى على 0.9 جم من الالياف الغذائيه.
- تحتوى على 33.9 جم من السكريات.
- تحتوى على 41.6 جم من الكربوهيدرات.
- تحتوى على 1 مجم من الحديد.
- تحتوى على 145 مجم من الصوديوم.
- تحتوى على 134 مجم من الكولسترول.
- تحتوى على 53 مجم من الكالسيوم.
- تحتوى على 112 مجم من البوتاسيوم.
- تحتوى على 18 ملغ من فيتامين د.
- يمكن ان نقدم المولتن كيك و نضيف عليها الايس كريم الفانيليا.
- و كده نكون قدمنا ليكم المولتن كيك اللذيذة.