- مريم رجب
- 0 Comments
- 174 Views
- السبرنج رول من اشهر المقبلات فى المطبخ الصينى و فى بلاد اسيويه تانيه.
- يقدم كمقبلات فى امريكا الشماليه و اوربا.
- السبرنج رول هو طبق شعبى فى المطبخ الفيتنامى.
- يختلف تقديم السبرنج رول على حسب كل مطبخ بيقدمه فى طريقه التحضير و الحشو.
- طريقة عمل السبرنج رول….
- مقادير العجينة:-
- كوبايه من الدقيق.
- – 3 معاق من النشا.
- – 2 معلقه كبيرة زيت.
- رشه ملح( ربع معلقه صغيره).
- كوبايه مايه دافيه.
- طريقه تحضير العجينه:-
- فى بوله غويطه احط فيها الدقيق و الملح و النشا و اقلبهم كويس ببعض.
- اضيف عليهم الزيت و اضيف المايه الدافيه واحدة واحدة و اقلبهم ببعض كويس جدا لحد ما يبقى الخليط كله متجانس و يكون قوامه ناعم و مفيش فيه اى تكتلات.
- نضيف المايه لحد ما نحصل على القوام المطلوب.
- على نار هاديه جدا احط طاسه تيفال متوسطة( اى طاسه غير لاصقة) و ادهن الطاسه زيت قليل.
- احط معلقتين كبار من العجينه فى الطاسه و افردهم كويس بسرعه و تبقى فطيرة كبيرة و سمكها رقيق.
- نطلع السبرنج رول من الطاسه لما تبقى شبه شفافه و نحطها فى طبق مناسب.
- نكرر الخطوات دى فى كل الخليط اللى عندا؛ و نفصل ما بين كل طبقه ما السبرنج رول بورق الزبده.
- تحضير حشو السبرنج رول…..
- المقادير:-
- نص صدور فراخ.
- – 1 جزرة.
- – 1 بصله صغيره.
- خس مبشور.
- بيضه.
- معلقة زيت.
- بقدونس.
- معلقه صغيرة من توم بودر.
- معلقه صغيرة من الملح.
- معلقه صغيرة من الفلفل الاسود.
- نص معلقه صغيرة قرفه.
- نص معلقه صغيرة زنجبيل.
- ورق لورا.
- بقدونس.
- طريقه التحضير:-
- نقطع الفراخ شرايح صغيرة.
- نبشر البصل و الفلفل و الجزر.
- فى طاسه على نار متوسطه احط فيها معلقة زيت كبيرة و انزل عليها الفراخ المتقطعه شرايح و اقلبها لحد ما لونها يتغير احط عليها البصل و الفلفل و الجزر و المبح و الفلفل الاسود و القرفه و الزنجبيل و نقلبهم ببعض كويس و نشيلهم من على النار.
- فى بوله صغيره نحط فيها البيضه و معلقه من النشا و عليها رشه ملح و رشه فلفل اسود و نقلبهم ببعض كويس.
- نجيب عجينه السبرنج رول ؛فى كل طبقه نحط معلقتين من خليط الفراخ و نضيف عليه الخص المبشور و نقفلها من الجناب و الفها لحد ما تبقى رول و فى اطراف الطبقه ندهنها بالبيض و النشا علشان تتقفل كويس.
- نكرر الخطوة دى فى كل عجينه السبرنج رول اللى عندنا.
- على نار عاليه نحط طاسه فيها زيت و نسيبه لحد ما يسخن ؛نضيف فيه السبرنج رول اللى عملناه و نقلبه على كل الجوانب لحد ما يبقى لونه دهبى.
- فى طبق فى مناديل مطبخ اطلع فيه السبرنج رول علشان نتخلص من كل الزيت الزيادة.
- نقدمها فى طبق تقديم مناسب مع كاتشب او اى صلصه على حسب الرغبه.
- تقدم السبرنج رول ساخنه.
- ممكن نقلى السبرنج رول فى الاير فراير او نحطها فى الفرن.
- السبرنج رول من المقبلات الشهيه جدا التى لا تحتوى على سعرات حراريه عاليه فان 100 جرام من السبرنج رول يحتوى على 200 سعرا حراريا تقريبا.
- تحتوى السبرنج رول على قيم و عناصر غذائيه و منها:-
- تحتوى على 6.8 جم من الدهون.
- تحتوى على 1.6 جم من الدهون المشبعه.
- تحتوى على 16 جم من الكربوهيدرات.
- تحتوى على 0.9 جم من الالياف.
- تحتوى على 0.9 جم من السكريات.
- تحتوى على 20.1 جم من البروتين.
- تحتوى على 73 مجم من الكولسترول.
- تحتوى على 207 مجم من البوتاسيوم.
- تحتوى على 30 مجم من الكالسيوم.
- تحتوى على 799 مجم من الصوديوم.
- تحتوى على 2 مجم من الحديد.
- تحتوى على 2 ملغ من فيتامين د.
- بالرغم ان السعرات الحراريه فى السبرنج رول قليله و لكن يجب عدم الافراط فى تناولها.